إيه هو الـ Assembly في #C وليه مهم؟

في أي Solution عندك، ممكن يكون فيه أكتر من Project، وكل مشروع ليه ملفات الكود الخاصة به.

لما تعمل Run للكود بتاعك، كلنا عارفين إنه لازم يتحول لـ Machine Code (صفار ووحايد)، لكن قبل المرحلة دي، الكود المصدر (Source Code) بيتحول أولًا للغة وسيطة اسمها Intermediate Language (IL).

الملف الـ Assembly 🗂️​

الـ Assembly هو الملف اللي بيحتوي على الكود بعد ما يتم Compilation، لكن بصيغة الـ Intermediate Language.

• ممكن يكون الملف DLL أو EXE
• بيحتوي على الـ Resources زي Icons وملفات JSON
• فيه كل المعلومات الخاصة بالبروجكت، زي كل Classes وTypes

معنى DLL و EXE ⚙️​

• DLL = Dynamic Link Library
• مثال: System.Data.DLL
  • ده عبارة عن Assembly فيه مجموعة أكواد خاصة بالبيانات
  • تقدر تعمل عليه Reference وتستخدم كل الـ Types اللي جوه
• EXE
  • ده ملف تنفيذي بيقدر يشغل البرنامج مباشرة

معلومات إضافية 📝​

كل Assembly كمان بيحتوي على Meta Data، واللي بيحتوي على معلومات عن كل شيء موجود جواه من كلاسز وأنواع وخصائص.
لو حابب، ممكن تبحث أكتر عن الـ Meta Data وتعرف إزاي بتساعد الـ .NET في التعامل مع الـ Assembly بشكل ذكي.