Botnet البوت نت
الهجمة دى بتكون عبارة عن مجموعة من الأجهزة المصابة و بيتحكم فيها جهاز كمبيوتر واحد أو أكتر لغرض عمل هجمات ضارة مختلفة و في الغالب بيتم استخدامها لعمل هجموم الحرمان من الخدمة او DDoS (وهقولك دلوقتي اي الDDoS دي دلوقتي متتسرعش)
MITM اختصار لـ man in the middle
الهجمة دي الهاكر بيتسلل للشبكة من غير ما حد مايحس وبيخداع فيها جهازين او اكتر عن طريق انتحال عناوين mac واغلب الوقت الهجمة دي بتتم علشان يتم سرقة البيانات والتجسس عليها و حاجات تانيه
DNS Spoofing اختصار لـ Domain name system
الهجمه دي شبه هجوم MITM والهجمة بتتم عن طريق تغيير عنوان IP لخوادم DNS أو عن طريق تغيير عنوان IP لـ DNS نفسه ..هجمة DNS بتحصل اما ينتحل المهاجم شخصية DNS server بمعني ان الهاكر بيقوم بدور السيرفر ويبدا يبعت ردود على استفسارات DNS مختلفة عن الحقيقيه اللي بيبعتها ال legitimate server و الهاكر من خلال الهجمه دي يخترق حسابات ويعمل حاجات تانيه
IP Spoofing
في الهجوم ده الهاكر بيقدر ينتحل عنوان ip لجهاز تاني في بالشبكة، والهجوم ده بيسمح للهاكر انه يعمل مصايب و اغلب الوقت المصايب اللي بتحصل فى الهجمة دي مبيتم اكتشفها بسرعه والمصايب ممكن تكون سرقة بياناتك أو إصابة جهازك ببرامج ضارة زى الفيروسات أو تعطيل السيرفرات بتاعتك
DDoS اختصار لـ distributed denial-of-service ومعروف بأسم هجوم الحرمان من الخدمة
الهجمة دي بتستهدف مواقع الويب والخوادم وبتعطل خدمات الشبكة بهدف استغلال موارد التطبيقات والهاكر او الجهات اللي بتنفذ الهجمه بيبعتوا الفات من الترافك او الطلبات للموقع لحد ما الموقع يكون غير قادر على استيعاب الكام الكبير ده من الطلبات فيضعف وظائف موقع الويب لو قوي أو يعطله ويوقعه تماما كالعادة و الأنواع ده من الهجمات بيزيد باستمرار واغلب الوقت الهجمة دي بتتعمل بالـ Botnet علشان تكون فعالة اكتر.
