أفضل إضافات VS Code لتسريع شغلك

لو انت شغال على مشاريع ويب أو برمجة وعايز تشتغل أسرع وتخلي الكود بتاعك مرتب، فيه إضافات في VS Code هتسهل عليك حياتك بشكل كبير .
في البوست ده هنعرفك على أفضل إضافات VS Code اللي كل مطور لازم يعرفها.

CSS Peek ​

الإضافة دي بتخليك تشوف تعريفات CSS مباشرة في الكود.
يعني لو بتستدعي كلاس CSS، تقدر تشوف تنسيقه من غير ما تفتح الملف.

REST Client ​

دي بديل ممتاز للي بيشتغلوا على Back-end.
هتقدر تجرب أي API مباشرة من VS Code بدون برامج خارجية زي Postman.

Image Preview ​

لو عندك صور في مشروعك، الإضافة دي هتخليك تشوفها مباشرة داخل VS Code بدل ما تفتحها ببرنامج تاني.

Color Highlight ​

أي كود ألوان زي HEX أو RGB هيتحول للون مرئي في الكود، وده بيسهل عليك تصور الألوان مباشرة.

Markdown All in One ​

الإضافة دي مفيدة لو بتكتب وثائق داخل المشروع، بتسهل الكتابة بتنسيق Markdown بسرعة.

Better Comments ​

هتساعدك تكتب كومنتات ملونة زي تعليقات المهام أو التحذيرات، وتخلي الكود مرتب وواضح.

Quokka.js ​

ممتازة لمراجعة الأكواد والتجربة السريعة، لأنها بتعرض نتائج الكود فورًا جنب كل سطر.

HTML Boilerplate ​

هتختصر عليك وقت كبير لو بتبدأ مشروع HTML جديد، هتنشئ قالب كامل بضغطة واحدة.

Indent Rainbow ​

بتلون مسافات البداية indentation بشكل يوضح تنظيم الكود ويخلي الكود سهل القراءة.

Tabnine ​

دي أداة تكملية للكود بالذكاء الاصطناعي، هتقترحلك أكواد جاهزة وتساعدك تكتب أسرع.

Polacode ​

لو عايز تصور جزء من الكود بتاعك بشكل احترافي، دي هتحسن شكل الكود وتقدر تشاركه كصورة.

Import Cost ​

بتعرضلك حجم كل مكتبة بتستوردها في الكود، وده مهم عشان تعرف إذا المشروع كبير أو لا.

Live Sass Compiler ​

لو بتشتغل على Sass، الإضافة دي هتخليك تعمل Compile مباشرة في VS Code وتظهر التعديلات فورًا.

Code Runner ​

بتتيحلك تجربة الكود بسرعة من غير ما تخرج من VS Code وبتدعم لغات برمجة كتير.

WakaTime ​

أداة ممتازة لتحليل وقتك وإنتاجيتك، هتعرف قضيت وقت قد إيه في كتابة الأكواد وأي ملفات اشتغلت عليها.

JavaScript (ES6) code snippets ​

بتوفرلك اختصارات للكود الجاهز زي Functions, Arrays, وObjects، وده هيساعدك تكتب أسرع.

Bookmarks ​

لو مشروعك كبير وبتتنقل كتير بين الملفات، الإضافة دي هتخليك تعمل علامات مرجعية للنقط المهمة وترجع لها بسهولة.

Project Manager ​

بتدير مشاريعك في VS Code بشكل منظم وسهل، وتقدر تفتح وتتنقل بين المشاريع بسرعة.

AYAT & Quran Tabs ​

• AYAT: إضافة جميلة تعرض آيات قرآنية وانت شغال.
• Quran Tabs: تفتح لك علامة تبويب بتعرض فيها آية أو دعاء.

Prettier ​

بتخلي الكود شكله محترف وكل حاجة متناسقة بشكل أوتوماتيكي.

Live Server ​

تقدر تشوف كل التغييرات مباشرة في المتصفح، يعني بمجرد ما تعمل Save كل حاجة تتجدد فورًا.

ESLint ​

بتنبهك على الأخطاء قبل ما تظهر، أي خطأ ممكن يحصل في الكود هتلاقي علامة تحذير.

Thunder Client ​

بديل ممتاز لـ Postman، هيساعدك تجرب أي API مباشرة من VS Code.

Bracket Pair Colorizer ​

لو انت مبتدأ وبتتلخبط في الأقواس، الإضافة دي هتخلي كل قوس بلون مختلف وتعرف تبدأ وتقفل صح من غير مشاكل.

Auto Rename Tag ​

لو بتكتب أكواد HTML، أول ما تغير اسم التاج المفتوح، الإضافة هتغير التاج المقفول تلقائي.

GitLens ​

بتوريك مين عدل الكود وإمتى، هتفيدك لو بتشتغل مع فريق أو حتى لو لوحدك.

Path Intellisense ​

بتسهللك كتابة مسار الملفات، مجرد ما تبدأ تكتب اسم الملف هتجيبلك المسار بسرعة.

Code Spell Checker ​

بتنبهك لو فيه كلمات مكتوبة غلط في الكود أو التعليقات، وده يخلي الكود شكله احترافي.

AyaCode ​

الإضافة دي بتعرض آيات من القرآن أسفل الشاشة كل فترة وانت بتكتب الكود.