أفضل إضافة سيو لوردبريس Rank Math

إضافة Rank Math: سر تصدر نتائج البحث في جوجل ​

لو عندك موقع وعايز تتصدر بيه في جوجل، فإضافة Rank Math هتكون صديقك المفضل
الإضافة دي تعتبر واحدة من أقوى إضافات SEO على ووردبريس، وبتخليك تحس إن عندك خبير سيو واقف جنبك بيقولك تعمل إيه خطوة بخطوة.

تحسين الكلمات المفتاحية (Keywords)​

إضافة Rank Math بتساعدك تختار أفضل الكلمات المفتاحية اللي جمهورك بيدوّر بيها
كمان بتقولك إذا كنت استخدمتها صح في المقال ولا محتاج تعدل شوية.
يعني ببساطة، بتخلي جوجل يفهم مقالك كويس جدًا وده بيزود فرص ظهوره في أول صفحة من نتائج البحث.

توجيهك خطوة بخطوة​

الميزة الحلوة هنا إن الإضافة مش بس بتحلل المقال، لأ دي كمان بتوجّهك بشكل عملي!
هتلاقيها بتقولك مثلًا:

• "ضيف الكلمة المفتاحية في العنوان"
• "قلل طول الفقرة دي"
• "زود رابط داخلي"

يعني بتخليك تمشي بخطة منظمة لتحسين كل مقال عندك في الموقع

تحليل المحتوى​

الإضافة كمان بتراجع مقالك وبتقولك إيه اللي محتاج يتحسن سواء في العناوين أو الصور أو الروابط.
وفي النهاية بتديك Score استرشادي من 100، عشان تعرف مدى جاهزية المقال للسيو

إنشاء خريطة الموقع (Sitemap)​

ميزة تانية جامدة جدًا!
الإضافة بتعمل خريطة شاملة لموقعك تلقائيًا وتبعتها لجوجل.
يعني كأنك بتقول لجوجل:
"اتفضل يا عم جوجل، دي خريطة الموقع كلها، عشان تعرف كل الصفحات المهمة وتفهرسها بسرعة"

تحسين مشاركة المحتوى على السوشيال ميديا​

إضافة Rank Math مش بس بتركز على جوجل، دي كمان بتحسن شكل مقالك لما يتشارك على Facebook وX (Twitter).
تقدر تختار الصورة اللي تظهر والعنوان والوصف اللي يخلي الناس تضغط فورًا

إضافة Rank Math مش مجرد أداة سيو، دي مدرب ذكي بيساعدك تخلي مقالاتك متكاملة من أول عنوان لحد آخر كلمة.
جربها بنفسك وشوف الفرق الكبير في ترتيب موقعك على جوجل