أفضل هواتف لاختبار الاختراق والمبرمجين

لو بتتعلم اختبار اختراق.. اختار الموبايل الصح!
البوست ده مش معمول تجهيز مسبق زي العادة، لكنه هيساعدك جدًا لو انت بتتعلم Penetration Testing أو حتى مبرمج بتدور على موبايل عملي وسهل تعمل عليه اختبارات أمنية وتجارب حقيقية.

الفكرة هنا مش مجرد ترشيح موبايل، لكن اختيار ذكي لجهاز يخدمك في المجال فعلاً، وده بناءً على خبرة وتجارب شخصية.

---

Google Pixel الأفضل لاختبار الاختراق​

الموبايل الأساسي اللي بستخدمه دايمًا في الشغل هو Google Pixel، والسبب بسيط جدًا:

• بيشتغل بنظام Android Stock خام بدون أي تعديل.
• سهل جدًا في التعامل مع Custom ROMs وStock Firmware.
• متجاوب مع أي تجربة أو اختبار ممكن تعملها عليه.

حتى الأجهزة القديمة زي Pixel 2XL لسه بتوصل لـ Android 15 برومات معدّلة بدون أي مشاكل.
كمان عندك رومات احترافية زي GrapheneOS - نسخة آمنة معدّلة من الأندرويد بدون Google Services - وبتتوفر خصيصًا لأجهزة Pixel.

وده بيخلي Pixel خيار مثالي لأي شخص شغال في اختبار اختراق، تطوير تطبيقات، أو حتى بحوث أمنية.

---

بدائل قوية: OnePlus و Samsung​

بعد Pixel، عندك OnePlus كخيار ممتاز جدًا:

• سهل في الروت والتخصيص.
• إمكانياته الهاردوير قوية جدًا ومناسبة للشغل الأمني.

أما لو بتحب سامسونج، فخليك في فئة S أو Z فقط (الـ Flagship) لأنهم:

• أقوى أداءً واستقرارًا.
• تقدر تعمل لهم Root بسهولة باستخدام Odin و Magisk.

---

وماذا عن iPhone؟ الأجهزة المناسبة للـ Jailbreak​

لو شغلك أو اختبارك على iOS، فالأجهزة المناسبة هي اللي تقدر تعمل عليها Jailbreak بسهولة، زي:

• iPhone 5s إلى iPhone X (باستخدام checkra1n).
• iPhone XS / XR / 11 / 12 (باستخدام Fugu15 / Fugu15-Max).

الأفضل تبدأ من iPhone X فما فوق عشان تقدر تستخدم SDKs الجديدة بسهولة بدون مشاكل توافق.

الأجهزة الأحدث من iPhone 12 لسه مافيهاش Jailbreak Stable لحد دلوقتي.

---

تشتري الأجهزة دي منين وبسعر كويس؟​

لو عايز توفر، عندك خيارين رائعين:

1. Amazon Renewed / Refurbished - بيقدم أجهزة شبه جديدة بأسعار ممتازة جدًا.
2. صفحات موثوقة زي Pixel EG Store و A S Phone على فيسبوك، عندهم أجهزة Pixel أصلية ومجربة.

وده مش إعلان، بس نصيحة عملية من تجربة شخصية.

---

الخلاصة​

لو انت داخل مجال اختبار الاختراق أو تطوير التطبيقات، متستهونش باختيار الموبايل — هو أداة شغلك الأساسية.
أفضل ترتيب من حيث التجربة والتعامل:

1. Google Pixel (الأفضل على الإطلاق).
2. OnePlus (قوي وسهل الاستخدام).
3. Samsung S/Z Series (بديل احترافي).
4. iPhone X وما قبله (لتجارب الـ Jailbreak).