أفضل 7 مواقع مجانية هتغيّر حياتك أونلاين

لو فاكر إن الإنترنت يعني فيسبوك ويوتيوب وبس، فاسمحلي أقولك… لأ
في بحر كبير من المواقع المفيدة اللي ممكن توفّرلك وقت ومجهود، وتزوّد إنتاجيتك، وتحافظ كمان على أمانك

جمعتلك 7 مواقع فعلاً هتفرق في حياتك اليومية سواء بتشتغل على الكمبيوتر، أو بتتعلم، أو حتى بتدير شغلك أونلاين.
يلا بينا نبدأ

---

1. WeTransfer.com – ابعت ملفات ضخمة بسهولة​

كم مرة حاولت تبعت ملف كبير على الإيميل وفشل؟
WeTransfer هو الحل السريع والأنضف.

الموقع بيسمحلك تبعت ملفات ضخمة (صور، فيديوهات، مشاريع كاملة) لأي حد عن طريق رابط بسيط.
مش محتاج تعمل حساب أو تدفع فلوس، كل اللي عليك ترفع الملف، تكتب إيميل المستلم، وتدوس Send

مميزات WeTransfer:

• سرعة نقل عالية جدًا
• واجهة بسيطة وسهلة الاستخدام
• بيدعم ملفات بحجم لحد 2 جيجا مجانًا
• الملفات بتتحذف تلقائيًا بعد أيام، يعني أمان أكتر

نصيحة:
لو بتتعامل دايمًا مع ملفات كبيرة (زي مصممين الجرافيك أو مهندسي الصوت)، WeTransfer هيبقى صديقك المفضل

---

2. VirusTotal.com – افحص الملفات واللينكات قبل ما تفتحها​

قبل ما تفتح أي ملف مش واثق فيه أو لينك جاي لك من شخص غريب، اعمل خطوة بسيطة تحميك من الكوارث
ادخل على VirusTotal.com وارفع الملف أو الصق اللينك، والموقع هيعمل تحليل شامل باستخدام عشرات برامج الحماية المختلفة زي Kaspersky وAVG وBitDefender.

الموقع هيقولك:

• هل الملف آمن ولا فيه فيروسات؟
• هل اللينك ممكن يكون Phishing أو موقع مزيف؟

الموقع مجاني تمامًا ومفيهوش تعقيد.
فعلاً أداة أساسية لأي حد بيستخدم الإنترنت كتير

---

3. AlternativeTo.net – اعرف بدائل لأي برنامج​

ممكن تكون بتستخدم برنامج غالي أو مش عاجبك، وتقول: “يا ترى في بديل مجاني كويس؟”
الموقع العبقري AlternativeTo.net هيساعدك تلاقي بدائل مجانية أو أفضل لأي تطبيق أو برنامج.

اكتب اسم البرنامج (زي Photoshop أو Notion مثلًا)، وهتطلعلك قائمة طويلة ببرامج مشابهة مع تقييمات الناس وتجاربهم

مميزات الموقع:

• بيعرض بدائل لأنظمة تشغيل مختلفة (Windows، macOS، Android، iOS)
• بيخليك تشوف آراء المستخدمين الحقيقية
• بيوفّر روابط مباشرة للتحميل

ده الموقع اللي لازم تزوره قبل ما تشتري أي برنامج جديد

---

4. PDFEscape.com – عدّل ملفات PDF أونلاين​

كم مرة احتجت تعدّل ملف PDF بسرعة ومكنش عندك برنامج؟
الموقع PDFEscape.com بيسمحلك تعمل كل ده أونلاين مجانًا.

تقدر:

• تضيف نصوص أو صور جديدة
• تمسح صفحات أو تعدّل عليها
• تملأ نماذج PDF من غير ما تطبعها
• تحفظ الملف بعد التعديل فورًا

الموقع سهل جدًا وبيشتغل من أي متصفح، يعني مش محتاج تحميل ولا تسجيل.
لو بتتعامل مع ملفات كتير في الشغل أو الدراسة، الموقع ده هيبقى منقذك

---

5. Unsplash.com – صور مجانية بجودة خرافية​

بدور على صور حلوة وفريّة لاستخدامها في التصميم أو البوستات؟
ادخل على Unsplash.com، هتلاقي آلاف الصور المجانية بجودة عالية جدًا (HD & 4K).

تقدر تستخدم الصور دي في أي حاجة:

• تصميمات السوشيال ميديا
• المواقع والمدونات
• خلفيات الموبايل أو اللابتوب

الموقع ميزة رهيبة: مفيهوش حقوق ملكية تقيدك.
يعني استخدم الصور براحتك طالما مش بتبيعها كمنتج مباشر.

لو إنت مصمم، كاتب محتوى، أو ماركتر، Unsplash هيساعدك ترفع جودة شغلك بدون تكلفة

---

6. PrivNote.com – ابعت رسائل سرّية تتحذف تلقائيًا​

الموقع ده جامد جدًا
لو عايز تبعت رسالة خاصة أو سرية لحد، استخدم PrivNote.com.

تكتب الرسالة، والموقع يولّدلك لينك سري.
أول ما المستقبل يفتح اللينك، الرسالة تتحذف فورًا ومينفعش تتقرا تاني!

مفيد جدًا لما تكون بتشارك معلومات حساسة (زي كلمات مرور أو بيانات شخصية).
وسهل جدًا - لا محتاج تسجيل ولا أي إعدادات.

---

7. QuickRef.me – دليلك السريع لتعلم البرمجة وChatGPT​

الموقع الأخير QuickRef.me منجم دهب لأي حد عايز يتطور بسرعة
لو نفسك تتعلم برمجة، أو تستخدم ChatGPT زي المحترفين، فالموقع فيه شروحات سريعة، أكواد جاهزة، وبرومبتس مجانية.

الموقع متقسم بطريقة منظمة جدًا، وكل موضوع عليه أمثلة جاهزة بالكود.
يعني لو بتتعلم Python، JavaScript، أو React هتلاقي أمثلة عملية تساعدك تفهم بسرعة

وكمان فيه جزء مخصوص لـ ChatGPT Prompts، يعلمك إزاي تكتب أوامر ذكية تخليه يساعدك بشكل احترافي.

---

الخلاصة ​

الإنترنت مش مجرد سوشيال ميديا… هو عالم مليان أدوات تقدر تغيّر حياتك للأفضل
من نقل الملفات، لتأمين بياناتك، لتعلم مهارات جديدة - المواقع دي فعلاً هتوفّر عليك وقت ومجهود كبير جدًا.
جربهم واحد واحد وشوف بنفسك الفرق
وحاول تحفظ البوست ده لأنك هترجع له كتير