أمازون بدأت تهدى في اعتمادها على الكلاود بشكل كامل

هفهمك يعني ايه
كانت AWS بتاعت أمازون كله عارفها كويس وكل الشركات الكبيرة بتحط بياناتها هناك وخلاص.
بس الفترة اللي فاتت، بدأت أمازون تغير شوية من طريقتها… بس بهدوووء كده ومن غير ما تعلن بصراحة.

إيه اللي حصل؟
أمازون بدأت تكتشف إن ال pure cloud مش دايما احسن حاجه خصوصا في حالات زي:
ال Latency زي لماcdn بتاعة Prime Now كانت محتاجة رد فوري في أجزاء من الثانية.
تكلفة نقل كميات مهولة من الفيديوهات أو بيانات ال AI بقت عالية جدا
تشغيل تطبيقات لفترات طويلة في الكلاود بقى مكلف أكتر من المتوقع.

تعالي اقولك عملت ايه امازون بقا
بدل ما تقفل AWS أو تقول إنها غلط بدأت تغير في ال architecture بتاعتها شوية شوية
بدأت تستخدم AWS Outposts: أجهزة سيرفرات بتحطها عند ال client.
عملت Local Zones: أماكن سيرفرات قريبة من المدن الكبيرة.
استخدمت Nitro Enclaves: لحماية البيانات بشكل أقرب للهاردوير.
استخدمت Graviton Chips: علشان تتحكم أكتر في الأداء والتكلفة.
وأخيرًا، بقت تستخدم أجهزة Edge زي Snowball: علشان تقلل اعتمادها على مراكز البيانات البعيدة.

يعني إيه الكلام ده؟
مش كل حاجة لازم تتحط في الكلاود المركزي… في حاجات محتاجة تكون قريبة من المكان اللي بتحصل فيه.

مثال بسيط:
لو عندك موديل ML:
لو على الكلاود: هيبعت الريكوست لسيرفر في أمريكا.
لو على الـ Edge: هيبعت الريكوست لجهاز قريب جوه المخزن نفسه.

الفارق؟
سرعة استجابة أحسن، وتكلفة أقل.

الاتجاه الجديد؟
الكلاود بقى عامل زي الشبكة:
جزء منه في السحابة.
جزء منه قريب منك (Edge).
وجزء تالت ممكن يكون عندك في الشركة (Hybrid أو On-Prem).