أنواع البرمجيات الخبيثة وأخطرها على المواقع

تعتبر البرمجيات الخبيثة (Malware) من أخطر التهديدات اللي ممكن تواجه موقعك أو شركتك.
تخيل معايا لو منافسك قدر يوصل لبياناتك الحساسة زي ملفات الموظفين أو قاعدة بيانات عملائك؟
النتيجة ممكن تكون كارثية على مستوى السمعة والخسائر المالية.
خلينا نغوص شوية ونعرف أنواع البرمجيات دي، وإزاي نحمي نفسنا منها

الباتشات (Trojans)​

عبارة عن برنامج خبيث يفتح باب خلفي في جهازك
وده بيسمح للمخترق إنه يسيطر على كل ملفاتك وشبكتك.
من أشهر أنواعه Rootkit اللي بيخفي نشاطه جوه النظام،
وبيستخدم ثغرات زي الموجودة في أنظمة التشغيل عبر أدوات زي Metasploit أو توزيعات Kali Linux.

فيروسات الفدية (Ransomware)​

النوع ده مرعب فعلًا ، بيشفر كل ملفاتك ويمنعك من الدخول عليها
غير لما تدفع فدية مالية للمخترقين عشان تسترجعها.

فيروسات الدودة (Worm)​

فيروس بينسخ نفسه مئات المرات وبيبطئ الجهاز جدًا،
وبيسبب انهيار كامل في الشبكة أو السيرفرات أحيانًا.

فيروسات متعددة الملفات (Multipartite Virus)​

بتصيب النظام بالكامل، وغالبًا بتظهر شاشة سودة ومفيش حل غير إعادة تهيئة كاملة.

الفيروسات المتحولة (Polymorphic Virus)​

دي أذكى الأنواع
بتغيّر شكلها وطريقتها مع كل إصابة جديدة،
وغالبًا بتستخدم للتلاعب ببيانات الموقع أو نشر إعلانات غير مرغوبة.

الفيروسات المخفية (Stealth Virus)​

تعتبر من أخطر الأنواع لأنها “نايمة”
مش بتبان في الفحص، وبتشتغل فجأة وقت ما تكون مش متوقع إطلاقًا.

فيروسات الملفات (File Virus)​

بتدخل مع الصور أو البرامج أو أي ملف بسيط تشاركه مع غيرك،
وبمجرد ما تفتحه بتبدأ العدوى!

فيروسات الماكرو (Macro Virus)​

بتهاجم برامج الأوفيس زي Word وExcel،
وغالبًا بتنتقل عن طريق المستندات أو الإيميلات.

فيروسات قطاع التشغيل (Boot Sector Virus)​

الأخطر على الإطلاق
بتضرب قطاع الإقلاع نفسه في الجهاز، وبتمنع النظام من التشغيل تمامًا.

أضرار البرمجيات الخبيثة على موقعك وأجهزتك ​

• بطء في الأداء وتهنيج مستمر
• فقدان ملفات حساسة أو تلفها
• سرقة كلمات المرور والبيانات الشخصية
• ظهور رسائل غريبة أو إعلانات عشوائية
• زيادة في استهلاك الذاكرة والقرص
• مشاكل في الكيبورد أو النظام
• ظهور شاشات سوداء أو زرقاء
• تلف كامل في ملفات التشغيل أو قواعد البيانات

إزاي تحمي نفسك من البرمجيات الخبيثة؟ ​

1. استخدم برامج حماية موثوقة ومحدثة دائمًا.
2. خليك حذر من الملفات أو الروابط المجهولة.
3. اعمل نسخ احتياطية دورية خارجية.
4. استخدم Firewall قوي لحماية الشبكة.
5. تابع التحديثات الأمنية أول بأول.

البرمجيات الخبيثة مش مجرد كود بسيط،
دي حرب إلكترونية حقيقية محتاجة وعي وأدوات حماية ذكية.
خليك دايمًا سابق بخطوة، واحمي موقعك من أي اختراق أو تسريب.