أنواع المالوير وطرق حمايتك منها بكل سهولة

كل أنواع الـ Malware وازاي تشتغل ​

المالوير أو البرمجيات الخبيثة هي كابوس أي مستخدم كمبيوتر أو موبايل!
اللي بيخليها مرعبة فعلاً إن كل نوع ليه طريقة خبيثة مختلفة في التدمير أو التجسس.
يلا نبدأ واحدة واحدة ونعرف كل نوع بيعمل إيه وازاي نحمي نفسنا منه

Resident Virus ​

النوع ده من أخطر الفيروسات، بيعيش في الـ RAM، يعني حتى لو قفلت الجهاز مش بيروح!
بيقدر يوقف أي أمر في السيستم زي الـ Windows Explorer ، وده يخلي سطح المكتب ممكن ما يفتحش أصلاً!

Multipartite Virus ​

القديم الجميل ده كان بييجي زمان من الـ CDs المضروبة، ودلوقتي بقى بييجي من الفلاشات والـ Memory Cards.
بيتنقل للـ Boot Sector المسؤول عن تشغيل النظام، وبعدها بيعمل إصابة لكل الملفات التنفيذية .exe و .msi وغيرها .

Direct Action Virus (DA Virus) ​

ده شقي أوي ، بيستخبى ومستني لحظة معينة يشتغل فيها، زي لما تفتح برنامج الـ Paint مثلًا.
ساعتها بينفذ أوامر محددة بيكون الهاكر حطها في ملف اسمه AUTOEXEC.BAT، وبيضرب ملفات السيستم المهمة .

Overwrite Virus ​

ده أسوأ كابوس ممكن تقابله ، لأنه بيمسح الملف الأصلي ويعمل نسخة تانية بنفس الاسم بس فاضية!
يعني تشغل لعبة FIFA مثلًا تلاقيها مش بتفتح!
الحل؟ للأسف مفيش غير Format كامل للجهاز.

Boot Virus ​

البرنس ده بيهاجم الـ Boot Sector نفسه، وبيمنع الجهاز إنه يقلع أصلاً!
الحل الوحيد إنك تعمل حماية للـ Boot Files بخاصية Write Protection .

Directory Virus ​

بيغير مسار الـ Shortcut بتاعتك وبيخليها تفتح الفيروس بدل الملف الأصلي .
البيانات الأصلية؟ بتختفي في الهوا ومتعرفش راحت فين!

Polymorphic Virus ​

ده من أذكى الفيروسات، بيشفر نفسه كل مرة يشتغل فيها، فـ برامج الحماية العادية مش بتعرف تمسكه!
الحل؟ استخدم Anti-virus بيعتمد على Behavior Detection مش الـ Signature فقط .

Metamorphic Virus ​

زي اللي قبله بس أذكى! بيغير الكود بتاعه بطريقة معقدة جدًا علشان يتفادى الحماية.
بيستخدم تقنيات زي code permutation و register renaming، يعني فعلاً محترف .

File Infector Virus ​

النوع ده بيهاجم كل الملفات التنفيذية .exe و .com.
أول ما الملف يتفتح، الفيروس بيبوظ الـ Functions اللي جواه ويدمر النظام جزئيًا .

Companion Virus ​

النوع ده مش بيشتغل لوحده، بيستنى البرنامج اللي مربوط بيه يفتح، زي Photoshop أو غيره، وبعدين يشتغل معاه في الخلفية.

Network Virus ​

ده اجتماعي جدًا ، بينتشر في الشبكة كلها، من جهاز لجهاز.
يعني لو في شبكة أو دومين، ممكن ينسخ نفسه على كل الأجهزة ويعمل كارثة حقيقية .

Nonresident Virus ​

ده خبيث جدًا لأنه مش بيخزن نفسه في الـ RAM.
بيخش جوه الملفات نفسها ويشتغل لما الملف يتفتح، فصعب جدًا يتكشف .

Stealth Virus ​

ده نصاب من الآخر ، لما الأنتي فايرس يعمل Scan، بينقل نفسه مكان تاني عشان يهرب!
وبعد ما الـ Scan يخلص، يرجع مكانه تاني.

Sparse Infector Virus ​

بينتشر بسرعة على أجهزة وملفات كتير جدًا، بس في نفس الوقت بيحاول يستخبى من الأنتي فايرس عن طريق إنه "يهدى اللعب" يوم أو اتنين .

Spacefiller Virus (Cavity Virus) ​

ده بيتسلل جوه الملفات بين الأوامر البرمجية علشان ما يزودش حجمها وبالتالي ما يتكشفش.
عبقري شرير فعلاً .

FAT Virus ​

بيستهدف الـ Partitions من نوع FAT32، وبيبوظ الـ Address Table اللي فيها.
بالتالي ممكن تلاقي البارتشن كله مقفول ومش قادر توصله .

Worm ​

الـ Worm مش فيروس بالمعنى التقليدي، بس ليها نفس التأثير الكارثي.
بتتكاثر بسرعة وتنشر نفسها في كل مكان!
أشهر مثال كان Morris Worm سنة 1988 اللي سببت خسائر بـ 10 مليون دولار .

Trojan Horse ​

ده الكلاسيكي اللي بيضحك علينا!
يدخلك على إنه برنامج عادي، لكن أول ما تفتحه، يبدأ ينفذ كود خبيث في الخلفية.

Logic Bomb ​

ده شر خالص!
بيفضل ساكت لحد ما يحصل شرط معين (زي تاريخ أو حدث)، وبعدها يفجر نفسه ويمسح كل الداتا!
مش بيتكشف إلا بعد ما ينفذ الهجوم.

Spyware ​

ده بيتجسس عليك في كل حاجة: التصفح، التحميل، الكوكيز، وحتى المواقع اللي تزورها!
وبيبعث كل ده لهكر بعيد.

Adware ​

ده مش مؤذي بالمعنى الحرفي، بس مزعج جدًا!
بيفتحلك إعلانات في كل حتة وبيغير إعدادات المتصفح علشان يعرض إعلانات أكتر .

الخلاصة ​

المالوير بأنواعه هو العدو رقم واحد لجهازك، بس لما تبقى فاهم كل نوع بيشتغل إزاي، هتعرف تحمي نفسك كويس.
استخدم برامج حماية قوية، ومتفتحش ملفات مش موثوقة، ودايمًا خليك حذر .