أهم خطوات تحليل مشروع سيو جديد

أول حاجة تعملها لما تمسك بروجكت جديد في السيو لموقع قديم
بتبدأ بحاجة اسمها Quick Wins، وهي الخطوات السريعة اللي بتديك نتائج واضحة من أول المشروع.

خلينا نمشي خطوة بخطوة

- أولًا: شوف عمر الموقع
ده هيساعدك تعرف إذا كان حد اشتغل عليه قبلك ولا لأ.
لو فعلاً في شغل سابق، روح بص على backlink history وشوف هل فيها روابط سيئة أو “تاريخ أسود”.

- تاني حاجة: هدف البيزنس
هل الموقع فعلاً بيخدم غرض البيزنس؟
يعني مثلًا لو موقع تجاري وكل الكلمات المفتاحية informational، فحتى لو جالك 8 مليون زائر محدش هيشتري حاجة.

- تالت حاجة: الفحص التقني (Technical SEO)
راجع ملف robots.txt وشوف لو مضبوط ولا لأ.
مثال: موقع “معرفة” عندهم مشكلة في ملف الـ robots، ولو تصلحت ممكن تحسن ميزانية الزحف بشكل ملحوظ.

كمان راجع الـ Sitemap - بتخلي محركات البحث تفهم هيكل موقعك: الفيديوهات، المقالات، الصفحات… إلخ.

- الاسكيما (Schema)
ما ينفعش تكون موقع وصفات طعام وتحط اسكيما “مقالة”!
ضيف الاسكيما المناسبة زي Recipe Schema، لأن ده بيفرق في ظهورك في النتائج وحتى “بنج” هيزعل لو ما عملتش كده.

- العناوين والوصف
العنوان مش لازم يتكرر فيه الكلمة المفتاحية 3 مرات.
خلي العنوان يعكس المحتوى فعلاً، والوصف بسيط وواضح.
وجوجل بنفسه قال في Advanced SEO Guide إن تكرار الكلمة مش مفيد بالعكس!

- الفقرة الأولى
دي أهم فقرة في المحتوى، ما تكتبهاش كأنك بتحشي كرنب
خليها تبين للزائر هو داخل يقرأ إيه، وخد بإيده خطوة بخطوة.

- صفحات الخطأ (404 Errors)
لو عندك صفحات 404 كتير ومؤرشفة في جوجل فده خطر
حلها فورًا، وبلاش تعمل Redirect لكل الصفحات على الصفحة الرئيسية.
ده هيبوظ أرشفة موقعك وهيأثر سلبًا على ترتيبك.

- سرعة الموقع و الـ Web Vitals
الموقع لازم يكون سريع ومتجاوب (Responsive)
تحسين السرعة ممكن يكلف شوية، لكنه استثمار بيرجع بنتائج SEO ممتازة.

- المواقع متعددة اللغات
راجع إعدادات hreflang، لأنها بتأثر على الاستهداف الدولي.
أي خطأ فيها ممكن يدمّر ترتيبك في الأسواق المختلفة.

- Gap Analysis
لو موقعك شغال من فترة (6 شهور أو سنة)، اعمل تحليل Gap Analysis علشان تطلع نقاط القوة والضعف مقارنةً بالمنافسين.
استخدم أدوات زي Semrush أو حتى اعملها على Google Sheets لو حبيت تخصصها بنفسك.

وفي النهاية
خلي عندك SEO Mindset وانت بتمسك أي مشروع، وافتكر دايمًا إن الغرض مش إنك تحفظ خطواتي،
لكن إنك تبحث وتفكر وتطوّر من نفسك في كل خطوة