أهم 5 مجلدات في نظام التشغيل Windows

في نظام Windows فيه مجلدات وملفات أساسية جدًا لو لعبت فيها أو مسحتها ممكن تخربلك الجهاز بالكامل وتضطر تعيد تثبيت النظام من الأول.

1. ملفات Program Files و Program Files (x86)​

• ده المجلد اللي بينزل فيه كل البرامج اللي بتثبتها على جهازك بشكل تلقائي.
• بيخزن قيم مهمة في الريجستري علشان البرامج تشتغل صح.
• حذف أو التلاعب بيه = البرامج مش هتشتغل وهتواجه أعطال.

2. ملفات System32​

• من أهم المجلدات في Windows.
• بيحتوي على ملفات DLL وتعريفات الهاردوير وبرامج أساسية زي الرسام والآلة الحاسبة.
• حذف المجلد = انهيار النظام وإجبارك على إعادة تثبيت ويندوز.

3. ملف Page File​

• ملف مخفي وظيفته تخزين بيانات إضافية لو الرام عندك مليانة.
• مهم جدًا علشان البرامج تشتغل من غير تهنيج.
• العبث بيه = مشاكل كبيرة في تشغيل البرامج.

4. ملفات System Volume Information​

• بيسجل بيانات نقاط استعادة النظام.
• حجمه كبير وبيستهلك مساحة من قرص C.
• ماينفعش تدخله أو تعدل عليه، لأن أي تغيير = مشاكل عند استعادة النظام.

5. ملفات WinSxS​

• بيخزن كل إصدارات ملفات DLL القديمة والجديدة.
• ضروري لتشغيل البرامج بشكل سليم.
• ممكن تقلل حجمه بأداة Disk Cleanup Tool، لكن غير كده ما تلعبش فيه.

الخلاصة ​

الخمس مجلدات دول هما العمود الفقري لنظام Windows. العبث أو الحذف فيهم ممكن يضيع نظامك بالكامل. استخدم أدوات الصيانة الرسمية بس ومتجربش أي حاجة غريبة.