أيه هو الـ Snowflake IDs وأيه المميزات والعيوب

بعد ما اتكلمنا عن الـ UUID والـ ULID
نيجي بقى لـ Snowflake IDs يمكن كتير من الناس مسمعتش عنه ويمكن كمان هتتفاجيء بالنوع ده من ال IDs
النوع ده اشتهر من تويتر وبقت standard في شركات كتير
فكرة Snowflake بدأت لما تويتر كان محتاج system يولد IDs بسرعة رهيبة
وفي نفس الوقت تبقى IDs دي مرتبة بالزمن
وتشتغل على distributed servers من غير ما يحصل أي conflict

Snowflake ID بيتكون من إيه؟​

1- أول جزء: timestamp بالmillisecond
2- تاني جزء: machine ID عشان يفرق كل سيرفر عن التاني
3- تالت جزء: sequence number عشان لو في نفس السيرفر اتولد أكتر من ID في نفس اللحظة

بالشكل ده كل ID بيبقى unique + sortable بالوقت + قصير نسبيًا مقارنة بالUUID
شكل Snowflake ID
مثال: 1288834974657
وده عبارة عن رقم كبير (usually 64-bit integer) بيتخزن بسهولة وبيتقارن بسرعة جوه أي database

مميزات Snowflake IDs​

1- IDs مرتبة زمنياً بشكل طبيعي (sortable)
2- حجم أصغر من UUID
تخزين أسرع وindexes أخف
3- ينفع يتولد في distributed systems من غير ما يحصل duplicate
4- مناسب لأنظمة بتتعامل مع traffic ضخم زي تويتر، Discord، Instagram

عيوب Snowflake IDs​

1- بيعتمد على توقيت السيرفرات
أي اختلاف في الـclock ممكن يعمل مشاكل
2- محتاج infrastructure مظبوط عشان machine IDs ماتتصادمش
3- أقل مرونة في portability مقارنة بـUUID

دلوقتي Snowflake IDs يعتبروا حل عملي لمشاكل UUID في الـperformance والsorting
وده السبب إن شركات كتير اعتمدته كنظام أساسي للـidentifiers