أيه هو الـ ULID والفرق بين UUID

زي ما اتكلمنا عن الـ UUID واصداراته بشكل عام
أيه هو الـ UUID - (Universally Unique Identifier)
هنتكلم عن الـ ULID واللي بدأ يظهر كبديل في مشاريع كتير وليه اتعمل أصلا ULID معناها
{Universally Unique Lexicographically Sortable Identifier}

وده برضه معرف فريد بيتولد عشوائي، لكن الفرق الأساسي انه sortable يعني بيتولد بطريقة تقدر ترتب بيها الـrecords بالوقت اللي اتعملت فيه
ال UUIDv4 صحيح عشوائي وبيحل مشكلة الduplicates، لكن كان ليه عيب كبير
الأرقام العشوائية اللي فيه بتخلي عملية الordering
أو الـindexing في databases تقيلة وصعبة
وده بيأثر على الperformance خصوصًا مع قواعد بيانات ضخمة

ULID​

جه يحل المشكلة دي بفكرة بسيطة
أول جزء من ULID بيمثل timestamp بالmillisecond
وتاني جزء random عشان يضمن uniqueness
وبكده تقدر ترتب بسهولة أي records حسب وقت إنشائها من غير ما تخسر ميزة uniqueness

شكل ULID​

مثال: 01ARZ3NDEKTSV4RRFFQ69G5FAV
وهو عبارة عن string من 26 character في Base32
وده بيخليه أقصر وأسهل في القراءة من UUID

مميزات ULID عن UUID​

1- Lexicographically sortable → تقدر ترتب IDs بسهولة
2- Base32 representation → أقصر وأنضف في الشكل
3- High performance في indexing داخل databases زي MongoDB أو PostgreSQL
4- ينفع يتولد في distributed systems من غير ما يحصل collision
5- مناسب للlogs والتطبيقات اللي يهمك فيها الترتيب الزمني

عيوب ULID​

لسه مش standard رسمي زي UUID-
- libraries بتاعته مش متوفرة بنفس القوة في كل اللغات
- randomness مش قوية زي UUIDv4 لأنها مقسومة مع timestamp

دلوقتي ULID
بيتشاف كبديل عملي لـUUID في الsystems
اللي بتحتاج ordering + performance
بينما UUID لسه الأقوى في التوافقية والstandardization