إزاي تبدأ تتعلم برمجة من علي الهاتف ؟!

هل ينفع نتعلم البرمجة من الموبايل؟ ​

كتير بيسألوا: "هل ممكن أبدأ أتعلم البرمجة من التليفون ولا لازم لابتوب؟"
الجواب: أيوه ينفع تبدأ من الموبايل، لكن في حدود معينة.

إيه اللي تقدر تعمله من الموبايل؟​

• تقدر تتعلم وتطبق الأساسيات (Basics) لأي لغة برمجة.
• تقدر تكتب كود بسيط وتشغّله عادي.
• في لغات زي بايثون تقدر تستخدم مكتبات زي:
  • os
  • time
  • socket
  • turtle
  • numpy

لكن في المقابل، مكتبات متقدمة زي Selenium مش هتشتغل معاك على الموبايل.

الخلاصة ​

من الموبايل هتتعلم الأساسيات بس، لكن لما توصل لمستوى متقدم لازم تنتقل للابتوب أو الكمبيوتر.

مصادر مجانية لتعلم البرمجة من الموبايل ​

لو النت ضعيف أو مش قادر تجيب لابتوب دلوقتي، المواقع والتطبيقات دي هتكون مفيدة جدًا:

1. موقع W3Schools​

https://www.w3schools.com
من أقوى المواقع اللي بتشرح لغات البرمجة بأسلوب بسيط، وفيه تمارين تقدر تطبقها أونلاين.

2. موقع SoloLearn​

https://www.sololearn.com/home
بيوفر تمارين وكويزات، وبعدها بيديك شهادة إلكترونية (صح مش معتمدة، لكنها دافع نفسي ممتاز).

3. تطبيقات Codeliber​

مطور عربي عمل مجموعة تطبيقات قوية من المستوى المبتدئ لحد المتقدم:

• HTML 5
• CSS 3
• JavaScript
• Python

الخلاصة
تقدر تبدأ تتعلم البرمجة من الموبايل وتبني أساس قوي جدًا. لكن لما تيجي تدخل في مستوى متقدم أو مشاريع حقيقية، الكمبيوتر هيكون ضروري.