إزاي تستخدم الذكاء الأصطناعي وتضمن مكانك دلوقتي

هل الذكاء الصناعي هيستبدلك؟ ولا تستخدمه إزاي صح؟
خليني أقول كلمتين واضحين من الآخر:
استخدام الذكاء الصناعي في الشغل مبقاش رفاهية، بقى جزء من الشغل نفسه.
الفرق في الإنتاجية بين اللي بيستخدم AI واللي مش بيستخدمه ممكن يوصل لـ 10 أضعاف.
يعني ببساطة:
اللي بيعرف يستخدمه → فرصه أكبر.
اللي مش بيستخدمه → هيبقى متأخر.
ونرجع لنقطة السؤال اللي الناس بتكررها الفترة دي…

---

هل الذكاء الصناعي فعلاً هيستبدل المبرمج؟ ​

الإجابة المختصرة:
لأ… بس المبرمج اللي ما بيستخدمش الذكاء الصناعي هو اللي هيتستبدل.

ليه؟
لأن البرمجة شغل تفكير وإبداع وحل مشاكل.
مش مجرد كتابة كود.
الـAI الحالي ما يقدرش يفهم مشروع كامل بعمقه، ولا يربط أجزاء كتير، ولا يتعامل مع سيناريوهات معقدة لوحده.

إنما اللي هيستبدلك بالفعل هو:
مبرمج بنفس مستواك أو أدنى… لكن بيعرف يوظف الذكاء الصناعي أسرع وأذكى منك.
بس كده.

---

طب ليه في شركات كبيرة سرّحت موظفين الفترة دي؟ ​

ناس كتير فاكرة إن التسريحات دي علشان الـAI "غلب" الناس.
الكلام ده غلط.

ببساطة:

• الشركات الكبيرة بدأت تلاقي شركات صغيرة بتطلع حلول قوية جدًا باستخدام AI بتكلفة قليلة.
• المنافسة بقت شبه متعادلة.
• التطوير بقى مكلف والربح مش دايم.
• فبيبدأوا يقللوا مصاريف - ومنها الرواتب.

والدليل:
في شركات زي Apple ماعملتش نفس موجات التسريح أساسًا.

يعني الموضوع اقتصادي واستراتيجي…
مش إن الموظفين “مابيقدروش يبرمجوا قد الـAI”.

---

المهم بقى: إزاي تستخدم الذكاء الصناعي من غير ما مستواك يبوظ؟ ​

أنت مش المفروض تعتمد عليه.
أنت المفروض تستغله.

اعتماده الكامل يؤدي لـ:

• فقدان مهارات حل المشاكل.
• نسيان الأساسيات.
• بقى مجرد “مشغل prompts”.

لكن استخدامه الصح هو:
إنه يساعدك تكمل… مش يشتغل مكانك.

---

أفضل طرق استخدام الذكاء الصناعي في البرمجة ​

حالياً في 3 طرق رئيسية:

1. جوه الـIDE
   زي Cursor أو الـAI Assistant في PyCharm أو VS Code.
   ده مفيد في:

• الـAuto Complete
• تحسين الكود أثناء الكتابة
• إضافة ملاحظات بسيطة

1. عن طريق Terminal / CLI
   زي:

• Claude Code
• Gemini CLI
  ده الأفضل من حيث الإنتاجية
  لأنه بيفهم المشروع كله ككيان واحد ويشتغل معاك زي Partner.

1. منصات الويب زي Lovable
   دي مناسبة لتجارب سريعة أو نماذج مبدئية.
   لكن الاعتماد الكامل عليها = انعدام المتعة + ضعف المستوى.

---

تقسيم عملي تقدر تبدأ به فورًا ​

• استخدم ChatGPT لمراجعة نصوص / شرح / صياغة Documentation.
• استخدم Claude Code للمراجعة العميقة للكود.
• استخدم Gemini Pro لتحليل مشاريع ضخمة أو Libraries كبيرة.

مثال عملي:​

1. اكتب الكود بنفسك.
2. ابعته لـ Claude Code يقوله:
   • شوف فيه أخطاء.
   • هل فيه طريقة أحسن نكتب بيه؟
   • ناقص Type Hints؟
   • ناقص Docstrings؟
3. خليه يولّد:
   • Unit Tests
   • Comments
   • Markdown Explanation
4. راجع أنت بنفسك لأن هنا القيمة.

بهذا الشكل:

• وفرت وقت.
• حافظت على مستواك.
• استخدمت الذكاء الصناعي كمساعد… مش بديل.

---

خلاصة الكلام ​

• الذكاء الصناعي مش جاي “يلغي” المبرمج.
• هو جاي يضعّف المبرمج اللي مش بيتطوّر.
• استخدمه… بس متسلمش دماغك ليه.
• خليه يساعدك “تجري أسرع” مش “يمشي مكانك”.

ولو عندك أمثلة أو تجارب بتستخدم فيها AI في شغلك…
اكتبها تحت علشان نتعلم من بعض.