ابدأ البرمجة صح بخطوات بسيطة ومجربة

تجربتي في تعلم البرمجة من الصفر ​

لما دخلت لجامعة، كنت صفر في الكمبيوتر والبرمجة، وكنت فاكر إن الموضوع معقد جدًا وصعب الفهم . لكن الحقيقة مختلفة تمامًا!
خليني أحكيلك إزاي بدأت، وإزاي ممكن تمشي على نفس الطريق وتتعلم البرمجة بسهولة وبشكل ممتع.

البداية كانت مع الخوارزميات (Algorithms) ​

أول حاجة بدأنا بيها كانت أساسيات الخوارزميات، كنا بنتعلم إزاي نحل المشكلات خطوة بخطوة بطريقة منطقية، من غير ما نستخدم أي لغة برمجة في البداية.
الفكرة إنك تتعلم تفكر كمبرمج قبل ما تكتب أي كود فعلي.

بعد كده بدأ التطبيق العملي ​

لغة PASCAL​

كانت أول لغة نستخدمها، وهدفها إننا نحول أفكارنا وخوارزمياتنا إلى كود حقيقي. ودي مرحلة بتربط النظرية بالتطبيق.

​

لغة C ثم ++C​

بعدها انتقلنا للغة C، واللي كانت أقوى وأقرب للواقع العملي، ثم جربت ++C اللي بتضيف مميزات أكتر وتخليك تدخل لعالم أوسع.

​

مشروع PHP المفاجئ ​

في الجامعة طلبوا منّا مشروع بلغة PHP رغم إننا ما درسناها، لكن المدهش إني قدرت أتعلمها بسرعة!
ليه؟ لأن أساس البرمجة واحد، واللي بيتغير بس هو القواعد (Syntax).
اللي اتعلمته في C قدرت أطبقه بسهولة على PHP.

​

بعدها JAVA ثم Python و JavaScript​

تعلمت JAVA في مادة الـ OOP (البرمجة الشيئية)، رغم إنها مختلفة في الشكل عن اللغات اللي قبلها، بس المبدأ واحد.
بعد كده دخلت على Python و JavaScript، وكان الموضوع ممتع وسهل جدًا لأني كنت فاهم الأساس.

الخلاصة ​

تعلمك للخوارزميات أولًا هو المفتاح الحقيقي لفهم البرمجة أيًا كانت اللغة.
لأنك لما تفهم إزاي الكمبيوتر بيفكر، مش هيفرق معاك تكتب الكود بـ C أو Python أو حتى Go.

لو ناوي تبقى مطور ويب ​

ابدأ بـ:

• HTML و CSS → لتصميم صفحات الويب.
• بعدها JavaScript → لإضافة التفاعل والحركة.

ومش محتاج تبدأ بالخوارزميات هنا، لأنها مش ضرورية في المرحلة الأولى من تطوير الويب.

في النهاية، سواء بدأت بـ C / ++C أو Python، أهم حاجة إنك تفهم الأساسيات الأول، وبعدها أي لغة هتكون مجرد أداة بتنفذ بيها فكرك