استخدامات خفية للواي فاي في هاتفك الذكي

الواي فاي النهارده بقى حاجة أساسية، مفيش موبايل أو كمبيوتر يخلو منه. وبالرغم إننا متعودين نستخدمه عشان نتصفح الإنترنت ، إلا إن ليه استخدامات تانية كتير هتسهل حياتك بشكل رهيب. خلينا نعرف أهمها

تحويل الموبايل لجهاز تحكم عن بعد​

تقدر تتحكم في التلفزيون أو الكمبيوتر عن طريق تطبيقات بتستغل الواي فاي. الموضوع بسيط جدًا ومش محتاج غير أبلكيشن مناسب زي Unified Remote.

مشاركة الملفات بسرعة مع الأجهزة​

ميزة Wi-Fi Direct بتخلي جهازين يتواصلوا مباشرة بدون راوتر أو إنترنت. كده تقدر تبعت صور وفيديوهات وملفات بسرعة رهيبة ، وكمان أغلب الأجهزة الحديثة (بما فيها الشاشات الذكية) بقت تدعمها.

تحويل الموبايل إلى مايكروفون ​

ممكن تستخدم موبايلك كـ مايك للكمبيوتر، سواء للتسجيل أو المحادثات. في تطبيقات مشهورة زي WO Mic بتديك الميزة دي بسهولة.

استخدام الموبايل كـ ويب كام ​

لو الكاميرا في اللابتوب ضعيفة، موبايلك ممكن يشتغل كـ كاميرا ويب لاسلكية. ينفع كمان تستخدمه كـ كاميرا مراقبة، وكل ده بتطبيقات مجانية من Google Play.

موبايلك كـ ذراع تحكم للألعاب ​

لو بتحب الألعاب على الكمبيوتر، تقدر تحوّل موبايلك ليد تحكم (Joystick) وتلعب بأريحية. بعض التطبيقات بتدعم الاتصال عبر واي فاي أو بلوتوث.

تحويل الموبايل لماوس ولوحة مفاتيح ​

من أروع الاستخدامات إنك تقدر تتحكم في الكمبيوتر من على الكنبة . تطبيق زي Remote Mouse بيخليك تستخدم الموبايل كماوس وكيبورد لاسلكي.

الخلاصة ​

الواي فاي مش بس لتصفح الإنترنت. تقدر تستغله في:

• تحكم في الأجهزة.
• نقل ملفات بسرعة.
• تشغيل مايك وكاميرا ويب.
• لعب كأن معاك ذراع تحكم.
• استخدامه كـ ماوس وكيبورد.

بكده موبايلك هيبقى جهاز تحكم متكامل بفضل الواي فاي .