الإنترنت: منين بييجي وهل حد بيملكه؟

الإنترنت: منين جاي بالظبط؟ وهل حد بيملكه؟ ​

كتير من الناس بتسأل: هل الإنترنت بييجي من الراوتر بتاعي؟ ولا من شركة الإنترنت؟ زي الكهرباء اللي بتتولد في محطات؟
في الوست ده هنعرف قصة الإنترنت من أول نشأته لغاية ما بقى شبكة عالمية كبيرة، ومنين بييجي الإنترنت بالظبط.

أول ظهور الإنترنت: خمسينيات القرن الماضي ​

الإنترنت بدأ في أمريكا في الخمسينيات بهدف ربط الحواسيب ببعضها، حتى لو على مسافات قصيرة. ده كان لخدمة الجنود لو حصلت حرب بين أمريكا وأي جهة تانية.
وكده اتنشأت وكالة اسمها ARPA (وكالة مشاريع الأبحاث المتقدمة) بهدف إنشاء شبكة لربط الحواسيب ببعض.
في 1969، نجحوا وابتكروا شبكة مراسلة أسموها الإنترنت، وقدروا يبعثوا أول رسالة من جهاز لآخر بعيد عنه!

هل الإنترنت ملك لأمريكا؟ لا يا صديقى! ​

الإنترنت مش ملك لحد، بالعكس الإنترنت ملك للجميع. ليه؟

• لأنك لو ملكك الإنترنت، مش هتقدر تستخدمه إلا لو حد تاني عنده الإنترنت كمان.
• يعني أي محاولة للاستحواذ عليه مش هتفيد حد.

مصدر الإنترنت: منين بييجي؟ ​

لو ركزت شوية، مش هتلاقي مصدر محدد للإنترنت. الإنترنت هو نظام إرسال واستقبال، وكل جهاز ممكن يبقى مصدر لجهاز تاني.
يعني الإنترنت مش بيتدفق من مكان واحد زي الكهربا، ده شبكة كبيرة بتربط ملايين الأجهزة ببعضها.

خريطة الإنترنت العالمية ​

الإنترنت بيربط الدول ببعضها عن طريق:

• كابلات بحرية ضخمة
• أقمار صناعية
• وسائل تانية متنوعة

الكابلات البحرية مهمة جدًا لأنها تنقل الإنترنت بين الدول، وتتفرع داخل كل دولة لشركات الإنترنت اللي بتوصل الخدمة للناس عن طريق الراوترات المنزلية.

هل أمريكا تتحكم في الإنترنت؟ ​

لو أمريكا اختفت فجأة، الإنترنت هيستمر يشتغل طبيعي. ممكن المصري يتواصل مع سعودي من غير مشاكل، لأن الشبكة مش مرتبطة بأمريكا.
بس تأثير أمريكا هيظهر لو المواقع الكبيرة زي فيسبوك، تويتر، يوتيوب متعلقة بسيرفرات موجودة عندهم، ساعتها ممكن تحصل انقطاعات محلية لمستخدمي المواقع دي بس.

الإنترنت مش منصات ومواقع ​

الإنترنت شيء، والمواقع اللي عليه شيء تاني. أي دولة ممكن تعمل الإنترنت الخاص بها بدون أي تدخل.
أمثلة:

• الصين: ما عندهمش فيسبوك، عندهم WeChat
• الصين: ما عندهمش يوتيوب، عندهم Youku
• الصين: ما عندهمش جوجل، عندهم Baidu
• روسيا: أغلب الناس بتستخدم VK بدل فيسبوك

يعني الإنترنت ملك للجميع، والمواقع مجرد خدمات عليه.

خلاصة ​

الإنترنت شبكة عالمية بتوصل الأجهزة ببعضها، مش ملك لأي دولة أو شركة، وكل دولة ممكن تعمل شبكة خاصة بيها لو احتاجت. ده بيخلي الإنترنت مفتوح وحر للجميع.