الفرق الحقيقي بين الـ Developer والـ Software Engineer

هل أنت بتكتب كود… ولا بتحل مشاكل؟ ​

فيه فرق ضخم بين إنك تكون Developer وبين إنك تكون Software Engineer.
الـ Developer بيكتب الكود وينفّذ المطلوب، لكن المهندس الحقيقي هو Problem Solver، بيحلل ويفكر قبل ما يكتب أي سطر كود.

الفكرة مش في الكود… الفكرة في التفكير ​

كتير من المبتدئين بيركزوا على:

• اتعلم لغة كذا
• اشتغل على فريمورك كذا
• ابني مشروع

لكن قليل اللي يفهم إن البرمجة وسيلة مش غاية، وإنك ممكن تكتب كود ممتاز بس ما تكونش مهندس برمجيات ناجح.

المهندس بيسأل قبل ما يكتب كود ​

قبل أي خطوة، الـ Software Engineer بيسأل نفسه:

• ليه بنعمل ده؟
• إيه المشكلة أصلًا؟
• هل فعلاً محتاج أكتب كود؟
• ولا ممكن نحلها بطريقة أبسط؟

الكود اللي بتكتبه النهارده هو نفس الكود اللي هتصلحه بكرة. كل سطر كود مسؤولية.

السر في إنك تكتب أقل! ​

المهندسين الكبار مش بيميزهم إنهم بيكتبوا كود أكتر، بالعكس!
اللي بيميزهم إنهم بيعرفوا إمتى مايكتبوش كود.

أوقات الحل بيكون بسيط جدًا:

• إعداد يتغير
• عملية داخل الفريق تتحسن
• أو حتى رفض فكرة مش مفيدة

قبل ما تكتب كود… اشرح الحل بكلام بسيط ​

دايمًا اسأل نفسك:
"هل أقدر أشرح الحل بدون مصطلحات تقنية؟"
لو الإجابة لأ، يبقى لسه مش فاهمه كفاية.
لأن الهدف مش الكود، الهدف إنك تحل مشكلة حقيقية وتضيف قيمة للمنتج أو المستخدم.

الخلاصة ​

الـ Developer بينفذ المطلوب.
الـ Software Engineer بيفكر في ليه بنعمل كده، وإزاي نحلها بأبسط طريقة.
البرمجة مش غاية… دي أداة بتخدم الفكرة.