الفرق بين Collision Domain وBroadcast Domain

x32x01 · الأمس في 21:46

شوفت شرح الـ OSI Layers بنظام الـ Animation؟

شوف الفيديو هنا
ولا تفضل تشوف الـ Mega Lab؟

تقدر تشوفه من هنا

لو دي أول مرة تسمع المصطلحين دول، ماتقلقش

الموضوع بسيط جدًا، لكنه من أهم المفاهيم لأي Network Engineer

يعني إيه Collision Domain؟

كل مرة جهازين بيبعتوا بيانات (Frames) في نفس الوقت على نفس الكابل،
البيانات دي بتخبط فبعض

وده اللي بنسميه Collision.

المنطقة اللي بيحصل فيها الكلام ده اسمها Collision Domain.

لو عندك Hub، كل الأجهزة اللي متوصلة وراه في نفس الـ Collision Domain

يعني لو جهاز واحد بعت داتا، الباقيين لازم يسكتوا

وده بيقلل الأداء جدًا لأن كله بيشارك نفس الوسط.

لكن لما نحط Switch بدل الـ Hub …
الموضوع بيتغير تمامًا

كل بورت في السويتش بيكون Collision Domain مستقل

وده معناه إن كل جهاز بيتكلم بحرية من غير ما يعطل الباقيين،
فالأداء بيعلى جدًا

الـ Broadcast Domain مختلف شوية.
لما جهاز يبعث Broadcast Message (زي ARP Request مثلًا)،
الرسالة بتوصل لكل الأجهزة في نفس الشبكة

اللي بيكسر الـ Broadcast Domain مش السويتش …
لكن الـ Router فقط!

يعني الراوتر هو اللي بيفصل بين الشبكات.
فلو عندك شبكتين،
اللي فوق تبقى Broadcast Domain 1
واللي تحت Broadcast Domain 2

الجهاز	الوظيفة الأساسية	الدومين اللي بيكسره
Switch	تحسين الأداء داخل الشبكة	Collision Domain
Router	تقسيم الشبكات والتحكم في الترافيك	Broadcast Domain

ببساطة:

Switch = بيزود الكفاءة وبيمنع الـ Collisions

Router = بيقسم الشبكة وبيقلل الـ Broadcasts

لأن الفهم ده هو الأساس لموضوعات جاية زي:

لما تبقى فاهم الفرق بين الدومينات دي،
كل التصميمات بعد كده هتبقى منطقية جدًا في دماغك