الفرق بين Compiler و Interpreter بالتفصيل

خلينا نتفق إن الاتنين بيأدوا نفس الوظيفة وهي
Both Compiler and Interpreter convert the Source Code to Machine Code

لكن... تعالوا بقى نتعمق شوية ونفهم الفروق بالتفصيل

أولًا: الـ Compiler ​

الـ compiler بيحلل الكود كله مرة واحدة.
لو فيه أي خطأ بيظهره، ولو مفيش، بيحوّل الـ source code لـ Machine Code ويحفظ النسخة على الكمبيوتر.
وده بيخلي البرنامج في أول تشغيل ليه ياخد شوية وقت
لكن بعد كده بيشتغل أسرع جدًا لأن الكود مترجم ومحفوظ بالفعل

ولو عدلت أي حاجة في الكود؟
الـ compiler بيبدأ العملية من الأول تاني - تحليل، فحص أخطاء، ترجمة، وحفظ جديد.

بعض اللغات اللي تعتمد على الـ compiler:
C, C++, C#, Java

ثانيًا: الـ Interpreter ​

الـ Interpreter بيشتغل بطريقة مختلفة تمامًا.
هو بيحلل الكود سطر سطر، ينفذ اللي يقدر عليه فورًا،
ولو قابل خطأ بيوقف التنفيذ ويظهر الخطأ على طول.

الميزة هنا إنه سريع في البدء وبيخليك تختبر الكود بسرعة
لكن العيب إنه ما بيحتفظش بالكود المترجم، فكل مرة بتشغل البرنامج بيبدأ من الصفر.

بعض اللغات اللي تعتمد على الـ interpreter:
Python, Ruby, Perl, JavaScript

أيهما أفضل؟ ​

# لو بتشتغل على تطبيقات ضخمة أو ألعاب بتحتاج أداء عالي جدًا
يبقى الـ compiler هو الأفضل لأنه بيترجم الكود مرة واحدة وبيخليه سريع جدًا في التشغيل.

# أما لو شغلك فيه تجارب كتير وعايز تشوف النتائج فورًا
يبقى الـ interpreter هو الأنسب لأنه بينفذ الكود لحظيًا بدون انتظار الترجمة الكاملة.

أيهما أسرع؟ ​

الـ interpreter بيبدأ أسرع لأنه بينفذ الكود مباشرة،
لكن في التشغيل المتكرر، الـ compiler بيكسب لأنه بيحتفظ بالكود مترجم مسبقًا،
وده بيخلي الأداء أقوى وأسرع بشكل واضح.

 

سؤال أنترفيو. أيه الفرق بين Compiler vs Interpreter ؟