الفرق بين Hashing وEncryption بطريقة سهلة ومبسطة

فيه ناس كتير بتتلخبط بين المصطلحين دول، بس الحقيقة إن الفرق بينهم بسيط جدًا لو فهمت الفكرة. تعالى نشرحهم واحدة واحدة.

أولًا: الـ Hashing​

الـ Hashing هي عملية أحادية الاتجاه، يعني لما تعملها مفيش رجعة فيها، متقدرش تفكها أو ترجع البيانات الأصلية تاني.
يعني لو عندك باسورد زي: password_for_testing

مينفعش تخزّنه كده في قاعدة البيانات (database)، لأن أي حد عنده صلاحية أو اخترق النظام ممكن يشوف الباسوردات بشكل مباشر

لكن لما نستخدم الـ Hashing، بيتحوّل الباسورد لشكل مش مفهوم كده:
$2a$10$wzDg6fDVu1Z6AEc3aFmQa.OdLpkF6HFLVti.NHR1ptThQxDh8Q0Pq

حتى لو حد شاف القيمة دي، مش هيقدر يعرف الباسورد الأصلي.

إزاي بيتم التحقق وقت تسجيل الدخول؟​

لما المستخدم يكتب الباسورد، السيستم بيعمل له Hash بنفس الطريقة، وبعد كده يقارن النتيجة بالهاش اللي متخزن.
لو الاتنين متطابقين → دخول ناجح

وده السبب اللي بيخليها عملية اتجاه واحد (One-Way Function).

---

ثانيًا: الـ Encryption​

أما بقى الـ Encryption، فده تشفير ثنائي الاتجاه
يعني تقدر تشفر البيانات، وبعد كده تفك التشفير باستخدام مفتاح (Key).

مثال عملي:
لو لاحظت في تطبيق واتساب مكتوب End-to-End Encryption - ده معناه إن الرسائل بتتبعت بشكل مشفّر، ومفيش غير المرسل والمستقبل اللي يقدرو يفكو التشفير.

إزاي بيحصل ده؟​

1. الجهاز المرسل بيشفر الرسالة باستخدام مفتاح.
2. الرسالة بتتنقل مشفّرة.
3. الجهاز المستلم بيفك التشفير بنفس المفتاح، فيرجع يشوف النص الأصلي.

يعني الـ Encryption ممكن نستخدمه مع أي نوع من البيانات (نصوص، صور، فيديوهات، إلخ).

---

الفرق ببساطة بين الاتنين​

المقارنة	Hashing	Encryption
الاتجاه	أحادي (One-way)	ثنائي (Two-way)
الهدف	حماية الباسوردات	حماية البيانات أثناء النقل
إمكانية فك العملية	لا يمكن	ممكن باستخدام المفتاح
الاستخدام الشائع	قواعد البيانات	الرسائل والاتصالات

في النهاية يا زعيم، تقدر تقول ببساطة:
الهاشينج بيخبي المعلومة للأبد، والتشفير بيخبيها مؤقتًا لحد ما المفتاح يظهر