الفرق بين SOC و GRC في الأمن السيبراني

يعنى إيه SOC؟​

الـ Security Operations Centre (SOC) أو مركز العمليات الأمنية هو المكان اللي بيتم فيه مراقبة الشبكات والأنظمة لحمايتها من التهديدات والهجمات السيبرانية.
الموضوع مش مجرد مراقبة وخلاص، لا، ده فيه مهام كتير جداً

أهم مهام فريق الـ SOC:​

• رصد التهديدات: متابعة حركة الشبكات عشان يكتشفوا أي نشاط مشبوه أو محاولة اختراق.
• تحليل الحوادث: بيقيموا الأحداث الأمنية اللي حصلت علشان يعرفوا طبيعتها وتأثيرها.
• استجابة الطوارئ: بيتعاملوا بسرعة مع أي حادث أمني، زي عزل الأنظمة المصابة وتحديد مصدر الهجوم.
• تحليل الجرائم السيبرانية: بيفحصوا الأدلة الرقمية عشان يفهموا الهجمات ويمنعوا تكرارها.
• تقارير الأمن: بيعملوا تقارير دورية عن حالة الأمان، والمخاطر، والتوصيات للتحسين المستمر.

طيب يعنى إيه GRC؟​

الـ Governance, Risk, and Compliance (GRC) معناها الحوكمة والمخاطر والامتثال، وده نظام إداري وتنظيمي بيضمن إن المؤسسة تمشي صح وتلتزم بالقوانين والسياسات الأمنية.

أهم مهام الـ GRC:​

• إدارة المخاطر: تحديد وتقييم المخاطر اللي بتواجه المؤسسة وتطوير استراتيجيات للتعامل معاها.
• تطوير السياسات والإجراءات: وضع سياسات أمان وتنظيم العمليات لضمان الشفافية والالتزام.
• مراقبة الامتثال: التأكد إن الكل ملتزم بالقوانين والسياسات الأمنية.
• التدريب والتوعية: توعية الموظفين وتدريبهم على أفضل الممارسات في الأمان السيبراني.
• تقارير الامتثال: إعداد تقارير دورية عن الأداء ومدى الالتزام بالقوانين والتوصيات.

الفرق بين SOC و GRC وأيه الأفضل؟​

الـ SOC بيركز على الجانب الفني والميداني، يعني التعامل المباشر مع الهجمات والتصدي ليها.
أما الـ GRC فبيركز على الإدارة والتنظيم، يعني القوانين والسياسات اللي بتحكم كل ده.

ببساطة، لو بتحب الشغل العملي وتشتغل بإيدك على الهجمات - اختار SOC.
لكن لو بتميل للتنظيم والإدارة والتحليل الاستراتيجي - GRC هو مجالك

وطبعاً رأيي الشخصي؟
الـ GRC بيكسب لأنه المجال اللي بيقود الرؤية الأمنية للمؤسسة كلها.