بروتوكول ARP: وظيفته وعلاقته بطبقات OSI

الغرض من بروتوكول ARP 🖧​

بروتوكول ARP - Address Resolution Protocol وظيفته إنه يربط بين عنوان IP Address وعنوان MAC Address للجهاز اللي عايزين نتواصل معاه داخل نفس شبكة LAN.
يعني لو جهاز عايز يوصل لعنوان IP معين، لازم يعرف الأول عنوان الـ MAC المقابل له عشان يقدر يرسل البيانات.

بروتوكول ARP ضمن طبقات الـ OSI ​

ARP ينتمي لأي طبقة؟​

يُعتبر بروتوكول ARP جزء من طبقة Data Link، وده للأسباب:

• البروتوكول بيخدم طبقة الـ Data Link لأنه بيبحث عن عنوان الـ MAC Address الخاص بالـ Destination.
• رسائل ARP مبتخرجش برا الشبكة المحلية LAN، يعني مش بتمر عبر الراوتر للشبكات التانية.

استخدامات بروتوكول ARP ​

داخل الشبكة LAN​

• يُستخدم لمعرفة عنوان MAC Address لأي جهاز موجود على نفس الشبكة.

للوصول إلى الإنترنت أو الشبكات الخارجية​

• بيتم استخدامه لمعرفة عنوان MAC Address الخاص بالـ Gateway Router لما الجهاز يرسل بيانات لجهة خارجية.

ملاحظات مهمة​

• ARP مش بيتنفذ في كل عملية إرسال، لكن بيتنفذ أول مرة بس عشان يعرف الـ MAC Address.
• بعد كده الجهاز بيحتفظ بالعنوان في جدول خاص اسمه ARP Table.

ما هو ARP Table؟ ​

جدول ARP Table بيحتوي على:

• عنوان IP Address.
• العنوان الفيزيائي MAC Address المقابل له.

وده بيسهل عملية التواصل بين الأجهزة من غير ما البروتوكول يعيد نفس العملية كل مرة.