تخزين بيانات الكارت فى الموقع والدفع بكليك واحدة

تخيل معايا إنك عملت Website جديد وبتبيع عليه Products والدنيا ماشية كويس فجأة يجيلك سؤال في دماغك و منطقي
ليه منخزنش بيانات Credit Card عندنا ونخلي العميل يشتري مرة واحدة وبعدها يعمل Checkout بكليك واحدة وخلاص
الحقيقة الموضوع مش بالسهولة دي ولو عايزين نفهم لازم نبص على 3 نقاط أساسية

في Standard عالمي اسمه (PCI DSS )
(Payment Card Industry Data Security Standard) او
معمول مخصوص عشان يحمي أي System بيتعامل مع بطاقات الدفع وهو مش مجرد نصايح بسيطة لا ده Requirements
تقيلة جداً بتشمل Network Security وEncryption وAccess Control وكمان Monitoring على مدار اليوم وكمان Audits مستمرة

أي Gap صغيرة في ال Compliance ممكن تعمل Data Breach وده حصل فعلاً مع شركات ضخمة زي Target سنة 2013 لما اتسرب بيانات أكتر من 40 مليون بطاقة دفع وخسروا مئات الملايين وكمان Home Depot في 2014 اتسرب منهم أكتر من 50 مليون Card Number ده معناه إن حتى الشركات العملاقة ممكن تقع لو حصل خطأ صغير

عشان كده معظم E-commerce Websites وال Startups بيروحوا لحل أسهل وهو إنهم يستخدموا Payment Gateways زي Stripe أو PayPal أو Checkout أو Paymob
وال Gateways دي أصلاً PCI DSS Compliant
فالموقع ما يشوفش بيانات الكارت أصلاً وكمان فيه Concept اسمه Tokenization بيسمح إنك تخزن Token آمن بدل رقم الكارت وتقدر تستخدمه في Future Payments
المهم اعرف ان تخزين Card Data مش قرار فني وبس
ده قرار أمني وقانوني ومالي وتكلفته ضخمة جداً

الأحسن تسيب الموضوع ده لشركات معتمدة وانت تركز على ال Business والعملاء بتوعك ولو إنت Founder أو Startup Owner ما تضيعش وقتك في حاجة خطر ومكلفة
وابدأ من الأول باستخدام Payment Gateway آمن
وده ببساطة كان الرد ع الجزئية دي عشان في ناس عملاء بتيجي تتكلم معايا في الموضوع ده فحبيت الخصه في شكل بوست لعل يفيد زمايلي هنا او اي حد عموما
لو عايز تعرف تفاصيل بقي وتتعمق روح اقراء عن ال PCI DSS Complaint
هتقدر تفهم اكتر وتستوعب الدنيا ماشية ازاي