تسليم موقع ووردبريس للعميل خطوة بخطوة

كتير من المصممين بعد ما يخلصوا تنفيذ الموقع بيقفوا عند نقطة مهمة جدًا: إزاي العميل هيستلم الشغل؟
الموضوع بسيط بس محتاج ترتيب، وده اللي هنشرحه خطوة بخطوة في البوست ده

أولًا: ملكية الدومين ​

لازم تبقى عارف إن الدومين ملك العميل (الشركة أو الشخص).
يعني لازم يكون مسجّل بإيميل العميل نفسه مش إيميلك.
كده بتحافظ على حقوق العميل وبتظهر احترافية منك في التعامل.

---

ثانيًا: الاستضافة (Hosting) ​

الموضوع هنا بيتحدد حسب الاتفاق من البداية

الحالة الأولى: استضافة باسم العميل​

لو الشركة حابة تحجز استضافة خاصة بيها، يبقى لازم توضح النقطة دي من الأول،
وفي الحالة دي الملكية الكاملة للاستضافة بتكون للعميل.

الحالة الثانية: استضافة على سيرفرك الخاص​

لو الاتفاق إنك تستضيف موقعهم على استضافتك الخاصة مقابل نسبة سنوية،
ففي الحالة دي لازم تسلم العميل الموقع كامل بلوحة التحكم (WordPress Admin).
ولو حبّ ينقل الموقع لاستضافة تانية، تسلّمه نسخة كاملة وتتفق معاه على سعر النقل.

---

ثالثًا: النسخة الاحتياطية ​

مفيش تسليم من غير Backup!
اعمل نسخة احتياطية من الموقع ويفضّل تحفظها على Google Drive الخاص بالعميل.
ممكن تستخدم إضافة Wpvivid plugin عشان تاخد نسخة كاملة وتنقل الموقع بسهولة جدًا.

---

رابعًا: البريد الإلكتروني ​

لو الاتفاق شمل إنشاء إيميلات خاصة بالدومين،
يبقى لازم تسلّمه:

• اسم المستخدم (Username)
• كلمة المرور (Password)
• لينك الدخول لـ Webmail

---

خامسًا: جلسة شرح (Zoom Meeting) ​

قبل ما تعتبر المشروع خلص، اعمل اجتماع بسيط على زووم واعرض للعميل:
إزاي يدير موقعه بنفسه (خصوصًا لو متجر إلكتروني ).
ده هيساعده يفهم كل حاجة ويقلل التواصل بعد التسليم.

---

سادسًا: ختام احترافي ​

بعد ما تسلّمه كل حاجة، اسأله بلُطف لو حابب يطور الموقع أو يضيف مميزات جديدة.
العميل لما يشوف شغلك منظّم واحترافي، أكيد هيرجعلك تاني

---

شاركنا تجربتك ​

إيه أفضل طريقة بتستخدمها لما بتسلّم موقع ووردبريس لعميل؟
شاركنا رأيك في التعليقات علشان الكل يستفيد