تعلم بايثون للمبتدئين من الصفر فـ فيديو واحد

لو نفسك تتعلم لغة بايثون من غير لف ودوران، وبطريقة سهلة وممتعة، فأنت وصلت للمكان الصح.
فى المقال ده هتلاقي شرح كامل للغة Python، هنعرفك فيها يعني إيه بايثون؟
ليه هى واحدة من أكتر لغات البرمجة المطلوبة؟
وإزاى تبدأ تتعلمها خطوة بخطوة من غير ما تحس إن الموضوع صعب عليك .

وكمان هسيبلك لينكات مهمة لتحميل الأدوات المطلوبة علشان تبدأ أول مشروع لك بسرعة.

---

كورس بايثون كامل في فيديو واحد للمبتدئين​

لو عايز تتعلم بايثون بطريقة مريحة وسهلة، فالكورس ده خيار ممتاز
مشاهدة الكورس على يوتيوب:

👆 أضغط على الصورة لمشاهدة الفيديو 👆

الفيديو ده بيبدأ معاك من الصفر لحد مستوى كويس جدًا يخليك قادر تكتب برامج بسيطة ومتوسطة من نفسك.

---

أدوات لازم تحملها قبل ما تبدأ​

علشان تبدأ فى تعلم لغة بايثون، لازم تجهز الأدوات دى:

✔ تحميل VS Code – أفضل محرر أكواد للمبتدئين​

https://code.visualstudio.com/

✔ تثبيت بايثون لأى نظام تشغيل​

https://www.python.org/downloads/

✔ تحميل PyCharm – أقوى IDE لبايثون​

https://www.jetbrains.com/pycharm/

---

إيه هى لغة بايثون؟ وليه هى الأشهر دلوقتى؟ ​

بايثون يا معلم هى واحدة من أسهل وأشهر لغات البرمجة فى العالم، وده لأنها:

• سهلة جدًا فى القراءة والكتابة
• مناسبة للمبتدئين
• مطلوبة جدًا فى سوق العمل
• تقدر تعمل بيها مواقع، تطبيقات، أدوات تحليل، سكربتات أوتوماتيكية… وكل ده بسهولة

اللغة اتعملت على إيد Guido van Rossum، وكان الهدف إنها تكون لغة بسيطة وسريعة وبتشتغل على كل الأنظمة.

---

مميزات لغة بايثون اللى تخليك تبدأ بيها فورًا ​

سهلة جدًا للمبتدئين​

هتقدر تتعلمها في وقت قليل لأنها أقرب للغة الإنسان من لغات البرمجة التانية.

مجانية ومفتوحة المصدر​

مش هتدفع ولا جنيه… وكل مكتباتها مفتوحة للكل.

شغالة على كل أنظمة التشغيل​

Windows - Mac - Linux… كله شغال.

مطلوبة فى سوق العمل​

شركات كتير بتطلب Python Developers برواتب كبيرة .

أهم لغة يستخدمها الهاكرز​

علشان سهلة فى كتابة سكربتات الاختراق والبرامج الصغيرة اللى بتنجز شغل كبير.

بايثون كائنية التوجه (OOP)​

بتدعم:

• الكلاس
• الكائن
• الوراثة
• التغليف

وده بيساعدك تعمل برامج ضخمة ومنظمة.

تدعم تعدد المهام​

بتوفر Multithreading يعنى تقدر تشغل أكتر من مهمة فى نفس الوقت.

قوية جدًا فى التعامل مع قواعد البيانات​

مثل MySQL, SQLite, PostgreSQL وغيرهم.

تقدر تربطها بلغات تانية​

C - C++ - Java … كله بيتعامل معاها بسهولة.

---

طيب… بايثون بتشتغل إزاى أصلاً؟ ​

تعالى ناخد الموضوع بسيط كده:

كتابة التعليقات​

أى تعليق فى بايثون بيبدأ بـ #
مثال:

# ده تعليق بسيط بيشرح الكود
print("Hello Python")

المتغيرات​

تكتب المتغير على طول من غير نوع محدد:

num = 10
name = "Mostafa"

العمليات الحسابية​

سهل جدًا تعمل عمليات:

x = 5
y = 7
sum = x + y
print(sum)

كتابة الدوال (Functions)​

كلمة def أساسية فى بايثون:

def say_hello():
    print("Hello from Python")

الطباعة​

الأمر الأساسي:

print("Welcome to Python")

---

استخدامات بايثون فى الحياة العملية ​

بايثون مش لغة واحدة كده وخلاص… دى لغة تقدر تعمل بيها كل حاجة تقريبًا:

تطوير مواقع الويب​

من أشهر الأطر المستخدمة:

• Django
• Flask

🖥 تطبيقات سطح المكتب​

باستخدام:

• QT
• GTK

الذكاء الاصطناعى وتعلم الآلة​

أشهر المكتبات:

• TensorFlow
• Keras
• Scikit-learn
• NumPy
• Pandas

الأتمتة وكتابة السكربتات​

مثلاً تتحكم فى الملفات، المجلدات، الإنترنت… كل ده بكود بسيط.

الأمن السيبرانى والهاكر إيتيكال​

تستخدم فى:

• تحليل البيانات
• كتابة سكربتات فحص الثغرات
• أدوات اختراق تجريبية

تحليل البيانات والاحصائيات​

بايثون هى ملكة المجال ده.

---

كود بسيط يعرفك سهولة بايثون ​

ده مثال صغير لبرنامج بيطلب اسمك وبيطبع رسالة ترحيب:

name = input("اكتب اسمك: ")
print(f"أهلا بيك يا {name} فى عالم بايثون! 😍")

وهو ده سبب إن بايثون مناسبة للبداية… بسيطة وسهلة وواضحة.

---

مثال تانى: برنامج جمع رقمين ​

x = int(input("اكتب الرقم الأول: "))
y = int(input("اكتب الرقم التاني: "))

print("الناتج هو:", x + y)

---

وده مثال: دالة بسيطة تجمع رقمين​

def add(a, b):
    return a + b

print(add(10, 15))

---

ليه الشركات الكبيرة بتفضل Python؟ ​

لأنها:

• سريعة فى التطوير
• قليلة الأخطاء
• فيها آلاف المكتبات الجاهزة
• قوية جدًا فى التعامل مع البيانات
• مثالية للتجارب السريعة (Prototype)

وبسبب ده بتستخدمها شركات ضخمة زى:
Google - Instagram - Netflix - Spotify - NASA

---

طيب… أبدأ اتعلمها إزاى؟ ​

اتبع الخطوات دى:

1. حمل Python
2. نزل VS Code
3. اتفرج على كورس اليوتيوب اللى فوق
4. اتعلم الأساسيات:
   • المتغيرات
   • الشروط
   • الحلقات
   • الدوال
5. طبق على مشاريع صغيرة
6. بعد كده خش على:
   • Django (لو عايز مواقع)
   • Automation (لو بتحب السكربتات)
   • Data Science (لو بتحب تحليل البيانات)

---

الخلاصة ​

بايثون مش مجرد لغة… دى بداية طريق كامل لعالم البرمجة، وواحدة من أهم اللغات المطلوبة فى شركات كتير.
سهلة، بسيطة، قوية، وتقدر تبدأ تتعلمها دلوقتى من غير أى تعقيد.

ابدأ بالكورس… نزل الملفات… وافتح الطريق لنفسك.
ده الوقت اللى تبدأ فيه مشوارك مع البرمجة، وخصوصًا بواحدة من أسهل وأقوى اللغات فى العالم .