- بواسطة x32x01 ||
فرحان بأن جهازك مش عليه ضريبة و ماشي تنشر ال IMEI بتاعك في كل مكان ؟
و طبعا سامع صوت مصطفى أبو سريع في ودانك بيقول "المال الحلال اهو"
لو عملت كدا فأحب اقولك كدا ان بياناتك كلها بقيت متاحه لكل الناس
طيب ازاي؟
قبل ما اقولك ازاي تعالى اعرفك ايه هو ال "IMEI code" اصلا
كلمة IMEI هي اختصار لجملة "International Mobile Equipment Identity"
و تعريفها بالظبط هو :
Unique 15-digit serial number for identifying a device.
هو عبارة عن 15 رقم بيتم تخصيصه لكل جهاز و مفيش جهازين ليهم نفس الرقم (تقدر تعتبره زي رقمك القومي او بصمة اصابعك)
طيب برضو هو مهم فأيه؟
خلينا نفترض انك عندك خزنه سرية في البيت و الرقم بتاعها 1234
لو شخص اخد بصمة أصابعك بشكل او بآخر من على لوحة أرقام الخزنه بتاعتك في البيت مش هيكون قادر انه يفتح الخزنه بتاعتك و ياخد اللي فيها؟ (بغض النظر عن موضوع تخمين ترتيب الارقام)
مش مقتنع؟
تعالى نخلي المثال بالرقم القومي
رقمك القومي ده لو شخص عرفه يقدر يدخل يعمل استعلام إلكتروني عنك و يجيب كل البيانات بكل سهولة فبالتالي يقدر يروح بيه لأي شخص لنفترض انه هيشتري حاجه و يقوله اصل نسيت البطاقة بس معايا الرقم بتاعها
هنا هتكون المفاجأة.. رقم بطاقتك اتحط في عقد إيجار او ملكية بيت فبالتالي انت أصبحت المسؤول عن أي حاجه تحصل.. يعني لو حصلت اي حاجه هتلاقي نفسك بتتسأل اسئلة انت متعرفش عنها حاجه
اهو بقا ال IMEI code عبارة عن بصمة جهازك و رقمه القومي على الشبكة و زي ما بصمة أصابعك و رقمك القومي ممكن يتم نسخهم.. كذلك ال IMEI code ممكن يتم نسخه و تبقى بصمة جهازك على 3 4 أجهزة تانية (جهاز محمود مثلا بيكون فيه منه 4 نسخ عادي جدا)
بالطريقة دي لو اي شخص معاه جهاز عليه ال IMEI code بتاعك لو عمل اي حاجه حضرتك اللي هتتجاب و تتسأل مكانه لأن قدام الجهات المختصة جهازك انت اللي عمل كدا
طيب فيه حاجه تاني؟
احنا لسا بنبتدي
تاني حاجه ممكن تحصل بسبب انك نشرت ال IMEI code بتاعك هي أن اي شخص (فاهم) يقدر انه يوصل لشبكة الاتصال الخاصة بالموبايل بتاعك و دا بيخلي من السهل انه يكون سامع المكالمات بتاعتك و شايف الرسايل (SMS) اللي بتوصلك و بتبعتها
ثالثا يقدر انه يتتبع حركة الموبايل بتاعك يعني بأختصار يقدر يعرف انت روحت فين الساعة كام
رابعا يقدر انه يبلغ الجهات المختصة بأن الجهاز بتاعه مبقاش معاه و يديهم ال IMEI code بتاعك و فلحظة جهازك
و دا إجراء عاملاه الشركات بتاعت الموبايلات في حالات السرقةقولي بقا لسا مقتنع ان اللي بتعمله عادي ؟ عرفو اصحابكم يا جماعة لأن الموضوع بجد