حلول بديلة لمشاكل الإنترنت ADSL في الشركات

مشكلة الـ ADSL في الشركات ​

كتير من أصحاب الشركات الكبيرة والمتوسطة بيعتمدوا على خدمة الـ ADSL علشان يربطوا فروعهم ببعض أو يشغلوا الإنترنت في المكتب.
لكن خلينا نقولها بصراحة... الخدمة دي ساعات بتكون كابوس أكتر من إنها حل!

الإنترنت بيقطع؟ الموظفين مش عارفين يشتغلوا؟ ​

في البداية، الدنيا بتكون تمام، بس أول ما عدد الموظفين أو الفروع يزيد… الكارثة بتحصل!
تبدأ المشاكل تظهر:

• بطء فظيع في الاتصال
• انقطاع متكرر في الإنترنت
• ضعف في الاجتماعات الأونلاين
• مشاكل في تحميل الملفات أو تشغيل الأنظمة الداخلية

والنتيجة؟ أداء الموظفين بينزل، العملاء بيتضايقوا، وجودة الخدمة بتقل
وده كله في الآخر بيرجع على أرباحك بالسلب

الخسارة مش بس وقت! ​

المشكلة مش مجرد “بطء إنترنت”، لأ، دي خسارة فلوس حقيقية!
إزاي؟

• الموظف بياخد وقت أطول علشان ينجز نفس الشغل.
• العملاء الحاليين ممكن يزهقوا ويمشوا.
• العملاء الجداد ممكن ما يقدروش يتعاملوا معك بسبب بطء التواصل أو ضعف الخدمة.

يعني الخسارة مضاعفة: وقت + إنتاجية + عملاء =

حلول زي Bonded ADSL؟ للأسف مجرد مسكن ​

بعض الشركات بتحاول تحل الموضوع بـ Bonded ADSL أو بتركيب أكتر من خط ADSL في نفس الوقت.
بس دي حلول مؤقتة مش جذرية

ليه؟
لأن خدمة الـ ADSL نفسها خدمة متنازع عليها (Contented Service)،
وده معناه إن السرعة اللي بتاخدها متقسّمة على عدد كبير من المستخدمين اللي مشتركين في نفس مزوّد الخدمة.
يعني مهما دفعت أو ركبت خطوط، السرعة الفعلية هتفضل محدودة.

حتى لو سرعتك عالية.. برضه المشكلة موجودة ​

حرف الـ A في كلمة ADSL معناه Asymmetrical،
وده معناه إن سرعة الـ Download مختلفة عن الـ Upload.
وده بيخليك:

• تلاقي نفسك بتستقبل البيانات بسرعة بس مش قادر تبعتها كويس.
• الـ Meetings بتقطع والصوت مش واضح
• تحميل البيانات على أنظمة الشغل بيبقى بطيء جدًا
• اليوميات أو الفواتير بتتأخر في التحديث

وده كله بيأثر على الإنتاجية وجودة الخدمة اللي بتقدمها.

طيب الحل إيه؟ ​

علشان الشركات تشتغل بكفاءة، لازم تدور على حلول إنترنت مستقرة ومخصصة للأعمال مش للمنازل.
زي مثلًا:

• خطوط Dedicated Internet Access (DIA)
• أو استخدام تقنيات الفايبر Fiber Optic
• أو حتى حلول SD-WAN الحديثة اللي بتربط الفروع بطريقة ذكية وسريعة جدًا

دي حلول بتديك سرعة ثابتة، أمان أعلى، وأداء مستقر يناسب طبيعة الشغل.

لو شركتك لسه معتمدة على ADSL، فده وقت التغيير.
السرعة الوهمية مش هتفيدك، لأن كل ثانية بطء معناها خسارة حقيقية في الإنتاج والعملاء.
استثمر في حل إنترنت احترافي، وريح بالك، وشوف فرق الأداء بنفسك