حل توقف موقع ووردبريس بعد تحديث الإضافات

حل مشكلة توقف موقع ووردبريس بعد التحديثات ​

لاحظت في الفترة الأخيرة إن في كتير من أصحاب المواقع بيواجهوا مشاكل بعد ما يحدثوا القالب أو الإضافات على ووردبريس، والمشكلة دي ساعات بتوصل لحد إن الموقع كله يتوقف عن العمل
بس متقلقش، الحل بسيط جدًا لو اتبعت الخطوات الصح قبل ما تعمل أي تحديث.

النسخ الاحتياطي هو المفتاح الأساسي ​

قبل أي تحديث تعمله سواء للقالب أو الإضافات، لازم تعمل نسخة احتياطية كاملة من موقعك.
كده لو حصل أي خطأ أو تعارض، تقدر ترجع موقعك زي ما كان في ثواني.

الأداة اللي برشحها بقوة في النقطة دي هي UpdraftPlus لأنها بتوفرلك مزايا ممتازة جدًا:
حفظ نسخة احتياطية كاملة من الموقع بسهولة وبدون تعقيد.
استرجاع الموقع بنقرة واحدة لو حصل أي مشكلة.
حفظ النسخ الاحتياطية على خدمات سحابية زي Google Drive أو Dropbox.

يعني ببساطة، الأداة دي هتحميك من أي كوارث ممكن تحصل وقت التحديثات.

اختبر التحديث قبل ما تطبّقه فعليًا ​

من أهم النصائح اللي بقولها دايمًا لأي صاحب موقع:
ما تحدثش الموقع الأساسي مباشرة قبل ما تجرب التحديث في بيئة آمنة.

وهنا بييجي دور إضافة WP Staging
دي بتسمحلك تعمل نسخة تجريبية من موقعك (Staging Site) وتجرب عليها التحديثات.
لو كل حاجة شغالة تمام بعد التجربة، وقتها فعّل التحديث على موقعك الأساسي وانت مطمن

راقب أداء الموقع بعد التحديث ​

بعد ما تعمل أي تحديث، استخدم أداة قوية زي Query Monitor.
الأداة دي بتساعدك تعرف بسرعة لو في إضافات أو استعلامات مسببة بطء أو مشاكل في الموقع.
كده هتقدر تحل المشاكل أول بأول قبل ما تكبر.

اختار استضافة بتدعم النسخ الاحتياطي التلقائي ​

من أهم عوامل الأمان إنك تختار شركة استضافة محترمة تقدم:

• نسخ احتياطي تلقائي يومي.
• دعم فني سريع يساعدك وقت المشاكل.

وعن تجربة شخصية، أرشح هوستينجر (Hostinger) لأنها بتقدم دعم ممتاز جدًا ونسخ احتياطية منتظمة بدون ما تحتاج تعمل أي إعدادات بنفسك.

نصيحة أخيرة ​

خليك دايمًا حذر قبل التحديث، وجرب كل حاجة في بيئة آمنة الأول.
ولو وجهتك أي مشكلة بعد التحديث أو أثناء استرجاع النسخة الاحتياطية،
اكتب مشكلتك في التعليقات وأنا هساعدك إن شاء الله بخطوات عملية لحلها