رحلة جهازك من الراوتر للإنترنت خطوة بخطوة

تعالى كده نراجع كل اللي اتكلمنا عنه في الشروحات اللي فاتت
بس المرّة دي هنشوف إزاي الجهاز بتاعك بيوصل الإنترنت من أول ما يفتح الواي فاي لحد ما يوصل لجوجل!

أول محطة: الراوتر… البوابة السحرية ​

تخيل إن عندك راوتر في البيت عامل زي بوابة كبيرة فيها حارس.
جوا البيت فيه ناس كتير (الموبايل، اللابتوب، التلفزيون...).

موبايلك: "أنا وصلت الشبكة... حد يندهلي!"
الراوتر: "ولا يهمك، هأديك عنوانك الرسمي!"

وهنا يدخل البطل الأول:

DHCP - الموظف اللي بيوزع العناوين ​

DHCP هو اللي بيعمل توزيع للعناوين داخل الشبكة.
كل جهاز يدخل الشبكة بياخد رقم تعريفي خاص بيه اسمه Private IP.

مثال: "أنت هتكون 192.168.1.10، اتفضل معانا!"
يعني كل جهاز بقى ليه IP داخلي جوه الشبكة بس.

---

Gateway - البوابة اللي بتفتحلك العالم ​

دلوقتي جهازك عايز يخرج من البيت ويتكلم مع الإنترنت.
فبيروح للـ Gateway (اللي هو الراوتر غالبًا):

الجهاز: "أنا عايز أروح google.com"
الراوتر: "استنى أظبطلك السفرة يا نجم!"

---

DNS - دليل التليفونات العالمي ​

الإنترنت مش بيفهم أسامي زي “google.com”
هو بيفهم أرقام بس (IP Addresses).

فبييجي هنا دور DNS - Domain Name System، اللي يدور في السجلات:
“آه، Google؟ ده رقمه 142.250.64.78”
ويبعت الرقم للجهاز عشان يعرف يوصل.

---

NAT - الساحر اللي بيبدّل الهوايات ​

كل الأجهزة في بيتك ليها Private IP، بس الإنترنت بيتعامل مع Public IP بس.
وهنا بيظهر الساحر NAT - Network Address Translation:

• يبدّل عنوانك الداخلي بعنوان الراوتر العام.
• لما الرد يرجع من الإنترنت، يرجّعه للجهاز الصح.

بكده الإنترنت يشوف عنوان واحد بس للبيت كله:
مثلاً 102.45.88.9 ← هو الـ Public IP بتاع الراوتر.

---

ملخص الشخصيات ​

الشخصية	الدور اللي بتقوم بيه
DHCP	بيوزع العناوين الداخلية
Private IP	الرقم الداخلي لكل جهاز
Gateway	بوابة الخروج للإنترنت
DNS	دليل التليفونات العالمي
NAT	الساحر اللي يبدّل العناوين
Public IP	هوية بيتك على الإنترنت

من الآخر ​

كل جهاز في بيتك واخد Private IP خاص بيه من الراوتر.
ولما يحب يخرج على الإنترنت، بيعدي على مراحل:

• يطلب من Gateway الخروج
• DNS يحوّل الاسم لرقم
• NAT يبدّل العنوان الداخلي بواحد عام
• والرد يرجع للجهاز الصح

مثال بسيط توضيحي:

┌─────────────────────┐
│      الإنترنت 🌍 (Public Network)     │
└────────┬────────────┘
         │ Public IP
         ▼
┌─────────────────────┐
│   الراوتر 📡 - Gateway: 192.168.1.1   │
│   Public IP: 102.45.6.9               │
│   فيه NAT + DHCP + DNS                │
└────────┬────────────┘
         │
 ┌───────┼────────────────────────────┐
 ▼       ▼                            ▼
 🖥️ جهاز1  📱 موبايل  📺 تلفزيون 
IP: 192.168.1.10 
DNS: 8.8.8.8 (Google DNS) 
Gateway: 192.168.1.1

عايز تبان بروفيشنال؟ ​

لما حد يقولك "النت بطئ"، قوله بثقة:
"احتمال الـ DNS مش بيرد بسرعة، أو الـ NAT عندك عامل زحمة عناوين"
وشوف وشه هيبقى كده

شارك البوست مع أصحابك لو ضحكت وفهمت، واكتب في الكومنت:
"كنت فاكر الإنترنت سهل… لحد ما اكتشفت إن وراه جيش موظفين أكتر من الحكومة! "