شركة ميتا أعلنت الحرب على العالم (اللعب بقى عـ المكشوف)

[x32x01]

شركة ميتا بقالها كام سنة خلاص بقت مخلية اللعب ع المكشوف خصوصاً من بعد حوار Cambridge analytica و الزنقة الي اتزنقها مارك في الكونجرس و هما خلاص بقي مبقاش عندهم حاجة يخبوها بس الي حصل كل السنين الي فاتت دة كوم و الي حصل اخر 4 شهور دة حوار تاني خالص تقريباً شركة ميتا اعلنت الحرب ع العالم كله..

من فترة كنا شغالين علي ريسيرش كبير خاص بمكان معين و المكان دة كان عنده systems بت integrate بشكل مباشر مع Llama A.I Engine بتاع ميتا ف كان المكان دة قلقان بخصوص ال Privacy و كدة ف كان عايز يتطمن لأنه مكان بيشتغل بشكل مباشر في ال National Security ف مكان ينفع يحصل اي تسريب من المكان دة بالذات ف بدأت Privacy Assessment لمنتجات ميتا الي ف المشروع دة و من بعدها عينك ما تشوف الا النور...

الموضوع بدأ ف شهر 7 الي فات بالتحديد يوم 22 يوليو 2024 لما شركة ميتا نزلت announcement اسمه AI Disclosures فيه كلام كتير بس اكتر فقرة لفتت انتباهي فقرة بدأت توضح توجه شركة ميتا بخصوص ال AI :

Meta may use the images you provide and other information (for example, your prompt instruction) in accordance with Meta’s Privacy Policy, including to (a) evaluate how well the AI technology performed or (b) perform other business obligations, such as fulfilling any compliance obligations. When you share the Generated Image with other users, your prompt may also be shared with those users.

مُلخص الكلام انك اي صور او معلومات هترفعها علي اي بلاتفورم من بتوع ميتا هي هتبقي shared ما بينا كلنا عشان هنستخدمها ف حاجات تانية تخصنا من باب تحسين الخدمة يعني (كدة و كدة)....
و دة لينك ال Disclosure:
https://transparency.meta.com/en-gb/policies/other-policies/meta-AI-disclosures/

بعدها بشهر و بالتحديد يوم 23 أغسطس 2024 راحت ميتا منزلة Announcement تاني اسمها AI Verification Terms بيوضح شروط
استخدام ال AI فيها و برضو فيه كلام كتير لفت نظري فيه فقرة بتقول:

You further expressly waive and release any claim that might be brought by you or on your behalf against Meta or any Meta affiliate alleging that these AI Verification Terms or the conduct described herein fail to comply with or otherwise violate in any respect the Illinois Biometric Information Privacy Act

يعني انت بتقر و بتعترف انك متنازل عن حقك انت و اي حد بالنيابة عنك ف انه يشتكي شركة ميتا او اي شركة تابعة ليها و يطالبها بالكشف عن شروط التحقق من استخدامات الذكاء الاصطناعي بتاعها....
و دة لينك ال Disclosure:
https://transparency.meta.com/en-gb/policies/other-policies/meta-ai-verification-terms/

و من هنا بدأ العالم ينكش ورا ميتا و ال AI engine بتاعها الي هو LLama لحد ما وصلنا ليوم 1 نوفمبر 2024 الي هو اول الشهر دة لما جريدة رويترز نشرت مقال ان باحثيين صينين تابعين للـ PLA الي هو People's Liberation Army و دي وحدة تابعة للجيش الصيني انهم قدروا يطوروا LLama بتاع ميتا و قدروا يعملوا منه حاجة اسمها ChatBIT و دة AI Engine بيخدم الاغراض العسكرية و كدة يُعتبر jailbreaking لـ LLama الي مكانش مُصمم للأغراض دي نهائي اي نعم مفيش معلومات كتير اتنشرت عن ايه هي قدرات ChatBIT دة بالتفصيل ولا هما قدروا يعملوله Jailbreak ازاي و لا استخدموه ف ايه بس البنتاجون قلب الدنيا ع الحوار دة و شركة ميتا اعلنت انها عملت ابديت لـ LLama و حطت عليه restrictions كتير جداً منها ان اي يوزر هيحاول يطور في ال engine نفسه لازم ياخد اذن و تصريح من شركة ميتا نفسها مينفعش يعمل كدة من نفسه مع العلم ان LLama دة open source لكن حطوا عليه restrictions كتير من بعد الي الصين عملته..
و دة لينك مقال رويترز:
https://www.reuters.com/technology/...del-military-use-back-metas-llama-2024-11-01/

لحد هنا الكلام كان معقول شوية لغاية الي حصل بعد كدة بقي....
يوم 4 نوفمبر 2024 يعني بعد مقال رويترز ب 3 ايام شركة ميتا أعلنت انها للحكومة الأمريكية بالشركات بتاعتها بالشركات المتعاقدة معاها بالدول الحليفة ليها انها تاخد Full Access علي LLama و تستخدمه للأغراض ((العسكرية و النووية و الاستخبراتية)) و اي أجندة تخدم الأمن القومي الأمريكي و دة اختراق واضح و علني لسياسة الاستخدام الي ميتا بنفسها صرحت عنها قبل كدة ان غير مسموح لأي طرف مهما كان انه يستخدم LLama لأي غرض عسكري... و في مقالة علي جريدة NewYork Times قالت ميتا ان مش بس امريكا الي هتاخد Full Access لا دة كمان ال Five Eyes intelligence alliance و دي خمس دول مكونين لأكبر تحالف استخباراتي في العالم الي بيفيد و بينص علي مشاركة المعلومات الاستخباراتية بينهم كلهم الي هما كندا و امريكاو استراليا و نيوزلندا و بريطانيا...
و دة لينك مقال Newyork Times:
https://www.nytimes.com/2024/11/04/technology/meta-ai-military.html

نسكت لحد هنا ؟!؟! اكيد لا.....
بعدها بيوم.....بالتحديد يوم 5 نوفمبر 2024 يطلع ال PIPC الي هو Personal Information Protection Commission و دي هيئة في الحكومة الكورية مسؤولة عن امن و سلامة المعلومات الخاصة بالمواطنين الكوريين بتصريح صحفي بيتهم فيه شركة ميتا ب اختراق خصوصية و امن بيانات حوالي 980 ألف مواطن كوري و استخدام بياناتهم الخاصة بدون اذن منهم و فرضت عقوبة علي شركة ميتا قدرها 15 مليون دولار لانتهاك خصوصية المستخدم و تجميع و استخدام معلومات المواطنيين الكوريين من غير حتي ما يعرفوا و خلال التحقيق اكتشفوا ان شركة ميتا من ضمن استخدام البيانات دي انها باعتها لشركات الاعلانات وكان عددها 4 ألاف شركة و مش بس كدة دة كانكل ما يوزر يطلب انه يعمل View Personal Info عشان يعرف المعلومات الي شركة ميتا مجمعاها عنه شركة ميتا ترفض تظهرله معلوماته الشخصية عشان محدش يعرف شركة ميتا تعرف عنه ايه.. التصريح طويل اوي لكن دة ملخص الحوار و ان الدنيا خربانة ف كوريا الجنوبية بسبب الموضوع دة و باقي الدول بدأت تعمل investigation هي كمان و دة الي خلي شركة ميتا ضهرها للحيطة بقي و عشان تكسب التعاطف الأمريكي و مارك ميتزنقش زنقة الكونجرس تاني راح فتح LLama للحكومة الامريكية هي و صحابها..
و دة لينك تصريح كوريا:
https://www.pipc.go.kr/np/cop/bbs/selectBoardArticle.do?bbsId=BS074&mCode=C020010000&nttId=10726

الريسيرش بتاعنا كمل لأبعد من كدة و وصلنا لنتايج تانية بغض النظر عنها بس كان مفاد الريسيرش دة ان المكان وقف ال Integration مع LLama و بدأ يدور علي بديل تاني خصوصاً ان المكان كان اصلا وظيفته Critical ف مكانش ينفع يكمل استخدام لـ AI Engine هو مفتوح المصدر بكل الداتا بتاعته للـ NSA analysts و غيرهم و غيرهم....
تاني و تالت و عاشر مبقتش رفاهية لأي دولة انها متستثمرش في منظومة ال National Cyber Security بتاعتها خصوصاً ان كل الدول بالفعل بدأوا ف دة و من وقت طويل مش من دلوقتي ولا من سنة ولا اتنين فاتوا....

الدول المتكاسلة عن الموضوع دة هيجيلها وقت و هتعض الأرض ندم بسبب التفوق العسكري الي هيبقي برة حدود تصنيع و استخدام السلاح لما يحصل اضرار عسكرية اكبر من اضرار ضربات الطيارات و الدبابات بمجرد دوسة زرار علي كيبورد ولا كليك زرار من ماوس....
المشكلة ف الموضوع ان التصريحات و الاتهامات دي كلها من شركة ميتا مش من شركة فيس بوك بس شركة ميتا يعني Whatsapp يعني Facebook يعني Instagram....
منقول عن م/ محمد جمال