قصة كل مهتم بالـ Cyber Security و Cyber Warfare

لو انت مهتم بـ Cyber Security أو Cyber Warfare ، حضرلك كوباية شاي أو قهوة وتعالى نقعد مع بعض ونفهم الحكاية من أولها لآخرها. القصة طويلة شوية لكن هتفرق معاك جامد.

من زمان وموضوع الـ Cyber Warfare موجود وبيتوسع بسرعة ، وكل دولة دلوقتي بتسابق التانية علشان يكون عندها Cyber Army أو على الأقل مجموعة أدوات (toolkit) تخليها تقدر تشتغل على الجانبين: الدفاعي والهجومي.

أول محطة: إدوارد سنودن والانترفيو الشهير ​

الحدوتة بدأت لما شفت انترفيو سنودن مع برنامج Panorama على الـ BBC سنة 2015. هنا لأول مرة اتكلم رسميًا عن Smurf Suite، مجموعة من الـ Spywares الخاصة بجهاز الاستخبارات البريطاني GCHQ.

أنواع Smurf Suite ​

• Dreamy Smurf: أداة لإدارة الطاقة، تقدر تفتح وتسكر التليفون من غير إذن صاحب الجهاز.
• Nosey Smurf: أداة لتسجيل الصوت ، تقدر تشغل المايك في أي وقت وتسجل المكالمات والأصوات حتى لو التليفون مقفول.
• Tracker Smurf: زي ما اسمه واضح، يتتبع التليفون في أي مكان وفي أي وقت .

لو حابب تشوف الانترفيو كامل: رابط يوتيوب

ظهور Pegasus و NSO الإسرائيلية ​

بعد سنودن، ظهرت شركات Spyware كتير، لكن أشهرها NSO Group وPegasus.
البرنامج ده كان قوي جدًا لدرجة إنه مكنش ممكن يتم مناقشته .

مميزات Pegasus ​

• بيشتغل بدون نقاش، مجرد ما يتم استهدافك.
• كان مسموح بيعه بس للحكومات، مش للأفراد.
• الـ License كان سنوي، واللي عايز يشتريه يدفع حوالي 8 مليون دولار .

أشهر الأهداف ​

• جيف بيزوس - رئيس أمازون
• الملك محمد السادس - ملك المغرب
• إيمانويل ماكرون - رئيس فرنسا
• الأميرة حياة بنت الملك حسين
• طليقة محمد بن راشد - حاكم دبي

ملحوظة: فيه أهداف كتير مش معلنة، لكن الصحفيين وحقوق الإنسان كشفوا بعضهم.

مشاكل NSO وبداية سقوط Pegasus ​

اللي حصل من 2018، لما بعض الأشخاص بدأوا يستهدفوا أشخاص تقيلة، بدأت القضايا تتزايد ضد NSO. أشهرها:

• محاولة مهندس NSO يبيع سورس كود Pegasus على الدارك ويب بـ 50 مليون دولار.
• Apple رفعت قضايا على NSO .
• أمريكا عملت Blacklisting للـ NSO في 2021 تحت حكم بايدن.

ده كله خلى NSO تخسر كتير من شهرتها وسمعتها، بس ما زالت موجودة.

ظهور Phantom ​

في نفس الفترة، ظهر Phantom، أداة مشابهة لـ Pegasus لكنها تقدر تشتغل على أرقام أمريكية .
ده كان السبب الرئيسي في حظر NSO واهتمام الـ FBI بالموضوع.
تقرير The Guardian عن Phantom

Anomaly 6 - الجيل الجديد من Spywares ​

ظهرت شركة جديدة سنة 2018 اسمها Anomaly 6 (A6)، مؤسسينها ناس من الـ CIA و NSA.

مميزات A6 ​

• بتزرع الـ Spywares والـ Trackers في SDKs و Core Apps قبل ما يوصل الجهاز للمستخدم.
• القدرة على التحكم في مليارات الأجهزة حوالين العالم .
• العملاء: حكومات، جيوش، أجهزة استخبارات، وكل الناس المهمين مش بس المواطنين العاديين.

تقارير:

• The Grayzone عن Anomaly 6
• The Intercept عن Anomaly 6

الخلاصة ​

العالم كله دلوقتي بيشتغل في Red Alert، والـ Cyber Warfare في أقوى مراحلها.
كل دولة لازم يكون عندها أدوات دفاعية وهجومية قوية ، عشان تحمي نفسها أو تضرب لو لزم الأمر.
الأهداف دلوقتي مش بس صحفيين أو نشطاء حقوق إنسان، دول بقيت رؤساء دول ووزراء وحتى ملوك .