لكل أصحاب المواقع اللى بيواجهوا مشكلة بعد تحديث القالب

[x32x01]

لاحظت مؤخراً ان في كتير من أصحاب المواقع بيواجهو مشكلة كبيرة بعد تحديث القوالب أو الإضافات على ووردبريس وهي تعطل الموقع ويتوقف عن العمل
الحل بسيط جدًا وهو أنك تعمل نسخ احتياطية دورية لموقعك قبل أي عملية تحديث.

الأداة اللي ارشحها ليك هي UpdraftPlus لأنها بتساعدك على:
حفظ نسخة احتياطية كاملة من موقعك بسهولة.
استرجاع موقعك بنقرة واحدة في حالة حدوث مشكلة.
حفظ النسخ الاحتياطية على خدمات سحابية زي Google Drive أو Dropbox.

وفي خطوات تاني ممكن تطبقها بحيث تتفادي اي مشكلة ممكن تقابلك من التحديثات زي :
ثبت اضافة زي wp staging دي هتساعدك انك تنشئ نسخة تجريبية من موقعك بحيث تختبر عليها التحديث اللي هتعملة لو الموقع اشتغل بشكل طبيعي وقتها تقدر تفعل التحديث علي النسخة الاساسية من موقعك.
ممكن تستخدم أداة زي Query Monitor دي هتساعدك علي تحديد المشاكل الناتجة عن التحديثات بسهولة.
حاول ديما انك تشتغل علي استضافة تقدم ليك خدمة النسخ الاحتياطي التلقائي لموقك وتوفر دعم لحل اي مشاكل تواجهك في التحديثات وعن تجربة في النقطة دي ارشح استضافة هوستينجر.
واخيرا لو في اي مشكلة مواجهتك في موقعك تقدر انك تعرضها في التعليقات وانا اساعدك فيها إن شاء الله