ما هو المتغير في البرمجة وأهميته للمبتدئين

لو انت لسه بادئ في البرمجة، أكيد سمعت عن كلمة متغير (Variable) قبل كده، وممكن تكون مش فاهم بالظبط هو يعني إيه.
المتغير من أهم وأشهر مفاهيم البرمجة، ومفيش كود تقريبًا من غيره. باختصار، المتغير عبارة عن حاوية بتحفظ بيانات جواها، والبيانات دي ممكن تتغير حسب ما انت محتاج.

يعني تخيل معايا المتغير كصندوق :

• الاسم على الصندوق علشان تعرفه
• الحاجة اللي جوه الصندوق
• نوع الحاجة اللي جوه الصندوق

---

مكونات المتغير ​

المتغير بيتكون من 3 حاجات رئيسية:

1. اسم المتغير (Name)
2. القيمة (Value)
3. النوع (Type)

خلينا نشرح كل واحدة بالتفصيل.

1- اسم المتغير (Name) ​

كل متغير لازم يكون له اسم، وده مهم جدًا علشان تقدر تستدعيه أو تغير قيمته.
اسم المتغير هو اللي بيعرف الكمبيوتر أي صندوق بيتكلم عنه.

قواعد كتابة اسم المتغير:​

• ممنوع يبدأ برقم

let 1age = 25; // غلط

• يكون بالإنجليزي بس

let الاسم = "Ahmed"; // غلط

• ممكن يبدأ بحرف أو _

let age = 25; // صح
let _age = 30; // صح

نصيحة: حاول دايمًا تختار أسماء واضحة، زي userName أو userAge، علشان لما ترجع للكود بعد شهر تفهم كل حاجة بسرعة .

2- القيمة (Value) ​

القيمة هي الحاجة اللي المتغير بيحفظها. ممكن تكون:

• رقمية (Number)

let age = 25;

• نصية (String)

let name = "Ahmed";

• منطقية (Boolean)

let isAdmin = true;

• أو حتى Arrays و Objects و Functions

القيمة ممكن تتغير لو استخدمت let أو var، لكن لو استخدمت const، هتفضل ثابتة.

let age = 25;
age = 30; // تمام، القيمة اتغيرت

3- نوع المتغير (Type) ​

النوع بيعرف الكمبيوتر نوع البيانات اللي جوه المتغير. في جافاسكريبت، أشهر الأنواع:

• Number: أرقام

let price = 100;

• String: نصوص

let productName = "Laptop";

• Boolean: صح أو غلط

let isAvailable = false;

• Object: بيانات مركبة

let user = {name: "Ali", age: 25};

• Array: قائمة من القيم

let colors = ["red", "green", "blue"];

ملاحظات مهمة: جافاسكريبت loosely typed، يعني ممكن تغير نوع القيمة في أي وقت :

let x = 10; // Number
x = "hello"; // String

---

الكلمات المحجوزة (Reserved Words) ​

في كل لغة برمجة في كلمات محجوزة مش مسموح تستخدمها كأسماء متغيرات، لأنها محجوزة للغة نفسها.
مثال في جافاسكريبت:

var var = 5; // غلط
var function = 10; // غلط
var if = true; // غلط

الكلمات المحجوزة تشمل:
var, function, if, else, true, false, int, وغيرها كتير.
لو حاولت تستخدمها كمتغير، هيدي Syntax Error فورًا.

---

مثال عملي على المتغيرات ​

// تعريف متغيرات
let userName = "Ahmed"; // نص
let userAge = 25; // رقم
const isAdmin = true; // ثابت

// تغيير قيمة متغير
userAge = 26; // تمام

// محاولة تغيير Const
isAdmin = false; // Error

console.log(userName); // Ahmed
console.log(userAge); // 26
console.log(isAdmin); // Error

---

نصايح للمبتدئين في التعامل مع المتغيرات ​

1. استخدم let بدل var في أغلب الحالات.
2. استخدم const للثوابت اللي مش هتتغير.
3. خلي أسماء المتغيرات واضحة ومفهومة.
4. اتجنب الكلمات المحجوزة في اللغة.
5. حاول تعرف نوع المتغير عشان متلخبطش.

---

ليه المتغير مهم جدًا في البرمجة؟ ​

• من غيره مش هتقدر تخزن بيانات.
• هيسهل عليك التعامل مع البيانات وتغييرها بسرعة.
• هيساعدك تبني برامج ديناميكية وذكية.
• كل لغات البرمجة تقريبًا بتستخدم نفس مفهوم المتغيرات، فتعرفك عليه هيخليك أسهل تتعلم أي لغة بعد كده.