- بواسطة x32x01 ||
من الشهر اللي فات، جوجل بدأت تشترط إن التطبيقات تدعم 16KB memory page size.يعني ببساطة: أي تطبيق مش compatible مع التغيير ده، هيترفض في المراجعة بداية من نوفمبر 2025
إيه السبب؟- ان Flutter بتعتمد بشكل أساسي على native code سواء في الـ engine نفسه أو الـ plugins.
- النسخ القديمة كانت مبنية على 4KB page size. أي مكتبة Native (C/C++) معمولة hardcode على 4KB هتدخل في مشاكل أو crashes على أجهزة Android 15 وما بعدها.
المتأثرين الأكبر:
- اللي بيستخدموا Native plugins (Ads, Analytics, Camera, ML … إلخ).
- اللي كاتب كود C/C++ مخصص.
- المشاريع اللي لسه واقفة على Flutter/NDK/AGP قديمة.
ليه التحول من 4KB لـ 16KB؟
- أداء أسرع: التطبيقات تفتح أسرع لحد 30%، والكاميرا أسرع.- ذاكرة أفضل: تقليل الـ fragmentation خصوصًا للتطبيقات الثقيلة.
- بطارية أطول: إدارة ذاكرة محسّنة = استهلاك طاقة أقل.
الحل:- حدث Flutter لآخر نسخة (يدعم 3.24 أو أعلى) : بلاش 3.27 , 3.29 علشان فيهم مشاكل
- استخدم NDK R28 أو أعلى.
- اشتغل بـ Gradle 8.5.1+.
- راجع ملف build.gradle وتأكد إن الـ AGP والـ NDK متوافقين.
- راجع اصدارات الPlugins اللي مستخدمها في الyaml.
- جرّب ترن على Android 15 Emulator او لو عندك موبايل شغّال Android 15 جربه.
كده تضمن إن أي مشكلة compatibility (زي crashes، أو Native libraries مش متوافقة) هتظهر بدري قبل ما توصل للمستخدمين.
التغيير دا مش مجرد تحديث عادي… ده شرط أساسي من Google Play.
ابدأ جهّز مشروعك، جرّب على Android 15، وحدّث الـ Flutter & NDK قبل ما تدخل في دوامة رفض الريفيو.
