يعني إيه نظام 32 بت و64 بت؟ وليه ده مهم لجهازك ؟

ناس كتير بتسمع المصطلحين دول ومش عارفة الفرق، فخليني أوضح لك بطريقة بسيطة
أولًا: يعني إيه "بت"؟
الـ "بت" هو وحدة قياس البيانات اللي بيعالجها المعالج (CPU) في اللحظة الواحدة. كل ما زاد عدد البتات، كل ما زادت قوة المعالجة.

ثانيًا: الفرق الأساسي؟
32 بت = يقدر يتعامل مع RAM لحد 4 جيجا فقط!
64 بت = يقدر يتعامل مع RAM أكتر من 18 مليار جيجا! (نظريًا)

ثالثًا: البرامج
لو نظامك 32 بت ➡ لازم تنزل برامج 32 بت فقط.
لو نظامك 64 بت ➡ تقدر تشغل برامج 32 بت و64 بت كمان

رابعًا: السرعة والأداء
لو جهازك فيه 4 جيجا رام أو أقل، ممكن مش هتحس بفرق كبير.
لكن لو عندك 8 جيجا رام أو أكتر ➡ نظام 64 بت هيفرق معاك جامد في السرعة والأداء

خامسًا: إزاي تعرف نظامك؟
على ويندوز: كليك يمين على "This PC" أو "My Computer" ➡ Properties ➡ وهتلاقي مكتوب (32-bit أو 64-bit)

الخلاصة:
لو جهازك حديث وفيه RAM كويسة، استخدم 64 بت واستمتع بأداء أقوى وتشغيل أسرع.
أما لو جهازك قديم ومواصفاته بسيطة، نظام 32 بت هيكون كافي.