يعني إيه Scalability وSystem Design بسهولة

لما تبني تطبيق جديد، بيكون متقسم جزئين:

• Frontend: الجزء اللي بيشوفه المستخدم، زي الموقع أو تطبيق الموبايل.
• Backend: الجزء اللي ورا الكواليس، فيه السيرفرات وقواعد البيانات.

في البداية، كل حاجة ممكن تكون مركبة على سيرفر واحد. الفكرة كويسة لو عندك عدد قليل من المستخدمين، لكن لو العدد زاد؟ السيرفر ممكن يهنج أو يقع تمامًا!

المشاكل مع السيرفر الواحد ​

تخيل السيرفر زي لاب توب:

• كل ما تضيف ضغط أو Requests كتير، هيبدأ يهنج.
• لو عدد المستخدمين زاد جدًا، السيستم كله ممكن ينهار.

الحل؟ نفصل الخدمات:

• قاعدة البيانات على سيرفر لوحدها.
• كود الـ Backend على سيرفر تاني.

ده يقلل المشاكل، لكن لو السيرفر اللي عليه قاعدة البيانات وقع، كل حاجة هتقف.

---

إيه هو Scalability؟ ​

Scalability معناها إن السيستم جاهز للتوسع لما عدد المستخدمين يزيد. وده ممكن يتحقق بطريقتين:

1. Vertical Scaling​

زيادة إمكانيات السيرفر نفسه:

• تزود RAM أو CPU.
• زي ما تغير لاب توب قديم بلابتوب أقوى.

العيب: السيرفر ليه حد أقصى، ولو وقع، السيستم كله يقع.

2. Horizontal Scaling​

استخدام أكتر من سيرفر بدل سيرفر واحد:

• لو سيرفر وقع، الباقي يفضل شغال.
• ممكن تزود عدد السيرفرات حسب الضغط على النظام.

---

دور الـ Load Balancer ​

الـ Load Balancer هو طبقة بتحطها قدام السيرفرات لتوزيع الضغط (Traffic):

• يحدد أي سيرفر عليه أقل ضغط ويروح له الـ Request.
• يوزع الطلبات بشكل متوازن باستخدام أكتر من طريقة.

إدارة قواعد البيانات ​

مش ممكن تقسم قاعدة البيانات على أكتر من سيرفر بنفس طريقة الكود، لأن:

• لو عملت Insert في سيرفر وما اتعملش في التاني، البيانات هتلخبط.

الحل:

• استخدام Database Cluster.
• مفهوم Replication لضمان تزامن البيانات بين السيرفرات.

ليه الشركات الكبيرة بتنجح؟ ​

الشركات زي أمازون ونتفليكس بتقدر تخدم ملايين المستخدمين لأنها:

• تعتمد على مهندسين فاهمين كويس Scalability و System Design.
• كل ما تفهم توزيع الضغط وحل مشاكل الداتا، السيستم هيقدر يخدم ملايين المستخدمين من غير ما ينهار.