نصائح لكتابة السيرة الذاتية + أشهر 15 سؤال فى المقابلات

كتير من المتقدمين للوظايف بيخسروا فرص كبيرة بسبب أخطاء بسيطة في الـ CV. عشان كده لازم تهتم بكل التفاصيل، لأن الانطباع الأول بيتكون من الورق اللي قدام الـ HR.

1. الإيميل ​

• لازم يكون بروفيشنال، زي: ahmed.mohamed@gmail.com أو معاه رقم بسيط.
• بلاش إيميلات زي: kokymody@gmail.com لأنها بتدي انطباع سلبي.
• خليك مستخدم إيميلك الشخصي مش بتاع الشغل.

2. الصورة الشخصية ​

• تكون صورة رسمية بخلفية سادة.
• اللبس ألوانه محايدة.
• يبان فيها الرأس والكتفين فقط.
• بلاش صور مفتعلة أو Selfie لأنها تقلل فرص قبولك.

3. التنسيق والكتابة ​

• استخدم خط Times New Roman، حجم الخط 12.
• العناوين (Headlines) تكون Bold.
• اللون الأساسي Black، وبلاش ألوان فاقعة.
• خلي الـ CV من صفحة واحدة لصفحتين بس.

4. البيانات الأساسية ​

• الاسم كامل + رقم الموبايل (الشخصي).
• العنوان/منطقة السكن.
• تاريخ الميلاد + الحالة الاجتماعية.
• الموقف من الخدمة العسكرية (للشباب).

5. اللغة ​

• لازم الـ CV يكون بالإنجليزي.
• بلاش أي أخطاء إملائية أو نحوية.
• لو الإنجليزي مش قوي، خلّي حد يراجعه لك قبل الإرسال.

6. البساطة هي الاحترافية ​

• بلاش Outlines أو أشكال زخرفية.
• كل ما كان التصميم Simple كل ما كان Professional.

7. المهارات ​

• اكتب مهاراتك بصدق، لا تبالغ ولا تقلل.
• وضّح مستواك الحقيقي في English و Computer Skills.
• اكتب شهاداتك أو الكورسات الأحدث ثم الأقدم.

8. إضافات مهمة ​

• لو معاك رخصة قيادة أو عربية، اذكر ده.
• في شركات بتشترط وجود رخصة.

9. تقسيم الـ CV ​

قسم الـ CV لأجزاء واضحة:

• Education (التعليم والدراسات).
• Experience (الخبرات).
• Skills (المهارات).
• Certifications (الشهادات والدورات).

في النهاية، الـ CV هو بطاقة التعريف الخاصة بيك، كل ما كان منظم وبسيط وواضح، كل ما كانت فرصك أحسن. اعمل نسخة بالعربي ونسخة بالإنجليزي علشان تكون جاهز لأي فرصة.