أيه هو الجدار النارى Firewall وأنواعه ومهامه

بنسمع كتير بمجال ال Networks وال Cybersecurity بمصطلح الجدار الناري او ال Firewall طيب أيه هو وأيه أنواعه ومهامه ؟!

تابع الموضوع لتعرف التفاصيل المهمة بيه

بداية هو أداة من أهم أدوات يلي بتراقب اتصالات الشبكات الداخلية والخارجية الواردة والصادرة بالاعتماد على مجموعة من القواعد الأساسية في تصفية تلك البيانات يلي ممكن يتحكم فيها الآدمن لوضع المعايير الأمنية وبعدها بيسمح بمرور البيانات يلي بتتوافق مع هالقواعد وبحجب فوراً كل شي بيانات ممكن تهدد الشبكة ووغير متوافقة مع هالقواعد

طيب أيه أنواع الـ Firewalls

أنواع الـ Firewalls​

Stateful firewall​

هذا النوع بقوم بمراقبة وتتبع حالة الاتصالات الصادرة والواردة في الشبكة، لما يتم تأسيس اتصال عبر الجدار الناري بتتبع معلومات عن الاتصال مثل عناوين IP وارقام ال Ports وال Mac Address وبيقبل البيانات يلي بترجع كجزء من اتصال معروف ويتم رفض أي حزمة تأتي دون اتصال سابق
يعني باختصار بيعمل Check على كل Packet خارجة وبياخد معلوماتها وبفتح الها Port للعودة من دون عوائق
لكن هالنوع مهدد بالهجوم لأنو ممكن يستخدم هاد ال Port بهجمات لكنه أسرع ويمكن يشتغل فيه Timer في حال تأخرت ال Packet بالرجعة بيسكر ال Port

Stateless Firewall​

هاد النوع من الجدران النارية بحلل حزم الشبكة فقط بناءً على معلومات الحزمة نفسها مثل عناوين IP وال Ports وال Mac address لكن ما بتتبع حالة الاتصال أو أي معلومات سابقة عن الاتصال المستمر بحيث الجدار الناري بقوم بتطبيق قواعد محددة مسبقاً للقرارات المتخذة بشأن قبول أو رفض حزم بيانات الشبكة
يعني بيعمل Check بكل مرة بدخل وبخرج فيها ال Traffic وهالنوع بكون أبطئ لكن أكثر أمان

Packet Filtering Firewall​

من أفضل الأنواع يلي ممكن تعتمد عليها بسبب سرعتها وجودتها في فحص الاتصالات، بحيث بشكل نقطة تفتيش خارجية بتجمع كل المعلومات الصادرة من الخادم من رقم IP ونوع الاتصال، ورقم بوابة الوصول وغيرها وبعدين بتقارنهم بالمعايير الأمنية، وإذا وافقوا القواعد بسمح بالإتصال المباشر ولكن اي شي غير هيك بمنع جهات الإتصال من إتمام الإتصال بالشبكة

Stateful Inspection Firewalls​

يعرف باسم جدار الحماية التفتيشي وهو نوع من أنواع Firewall التقليدي حيث يقوم بمراقبة حركة المرور الصادرة والواردة وبصفيها بناءً على القواعد الأمنية الموضوعة بشكل مسبق من المستخدم
لكن بتميز بمراقبة الإتصال من اللحظة الأولى من الإتصال حتى إغلاقه وبعتمد هالأسلوب على التصفيات الناتجة من الإتصالات القديمة لنفس السيرفر بمنع الإتصالات الحديثة، لهيك يلزم تحديثه بشكل مستمر، وبفحص بروتوكول TCP لهيك بشكل حماية قوية جداً، بس بستهلك جزء كبير من موارد الجهاز الأساسية وقت الفحص وهالشي بسبب بطئ في نقل البيانات عبر الشبكة

Next Generation Firewalls​

يعرف بإسم جدار حماية من الجيل الثاني ويرمز له في بأغلب المراجع باختصار (NGFW) وهو من أفضل جدران الحماية يلي بتعتمد عليه الشركات الكبرى
بحيث بقوم هذا النوع بفحص الاتصالات الصادرة والواردة من الإنترنت بشكل أعمق يعني بفحص محتوى ال Payload مو بس ال Headers متل الأنواع السابقة وبحتوي على بعض التقنيات الحديثة متل تقنية IPS يلي بتحميك من الفيروسات والهجمات الضارة وبتصفي البريد العشوائي بشكل تلقائي

Proxy Firewalls​

ال Proxy Firewalls من أنواع جدران الحماية القديمة ومعروف باسم جدار الحماية الوسيط وهو وسيط بين الشبكات الداخلية والخارجية والإنترنت يعني مثلاً إذا قمت بالبحث في Google عن شي معين مهما كان، جهازك بطلب معلومات من خادم جوجل بشكل مباشر، وبس لما يستخدم هالنوع بقوم ال Proxy بأخد الطلب وإعادة توجيهه على أساس أنه صادر منه وليس من الجهاز مباشر وبالتالي ما بقدر سيرفر Google يعرف هوية جهازك الحقيقة أو موقعك الجغرافي أو أي معلومات عنك لأن المعلومات بتكون صادرة من الوسيط الوهمي او البروكسي