معلوماتك الشخصية تسوى كام ؟؟

معلوماتك الشخصية تسوى كام ؟؟
تعرف الـ PII أو Personally Identifiable Information ؟ متعرفش صح طب تعالي اقولك

هي بإختصار المعلومات الشخصية للشخص واللى ممكن يتم استخدمها لتمييز أو تتبع هوية الفرد والمعلومات دي مثلا زي الاسم وتاريخ الميلاد وعنوان البريد الإلكتروني و رقم جواز السفر او الهوية و حاجات تانيه كتير

في شركات كتير جدا مستحيل توفر منتجاتها ليك بدون مقابل حتى لو كانت ببلاش .. مثلا زي الـ VPN المكرك او واتساب جولد او تروكولار جولد او اي لعبه بأشتراك حد منزلها ببلاش وضيف علي ده اي شي مكرك

حابب اقولك ان الشركات او الاشخاص اللي بتعمل كراكات بيعتبروا معلوماتك الشخصية دي كنز .. اه وربنا زي مابقولك كده معلوماتك انت اللي بالنسبالك ملهاش اي لازمه دي فـ رجاء حافظ علي نفسك و علي معلوماتك الشخصية علشان ممكن يتم استخدمها ضدك في اي لحظة