- بواسطة x32x01 ||
انت طالب 3 ث دلوقت
وبتفكر من دلوقت تتعلم برمجة
عايز اقولك ان ده سنك المناسب انك تقدر تدخل حاجة تأسسك في المجال ده لو انت دماغك (software)
اما لو hardware فيفضل لو انت علمي رياضة استني الجامعة عشان هتدرسها هناك.
اي نعم مش بشكل كويس بس هيديك البدايات وانت تكمل وراه
لانك هتدرس شوية مباديء في ال hardware وحاجات مرتبطة بالفيزياء والكمياء اللي اتعلمتهم في ثانوي بخلاف الرياضة اللي هي اساس كل ده
وهتلاقي نفسك بتاخد حاجة جمبها عشان تقدر تحرق علي التشيبات السوفت بتاعها عشان هتلاقي نفسك بتتعلم حاجة اسمها arduino وتتعلم ازاي ترص ال componentsو وتوصلها ببعض بالوايرات ومكثفات ومقاومات وليدات وقصص خفيفه كده عشان هتحرق عليها ال software اللي هتكتبه غالبا بال c اللي هتتعلمها برضه وهتاخدها قشور في اول سنة
وحاجات ليها علاقة بالكمبيوتر وال processors والboards وكده
بعد كده الموضوع هيتطور معاك شوية وتلاقي نفسك داخل في network و operating system وهتاخد برضه شوية قشور
كل ده تأسيس عشان التخصص اللي هتختاره في سنة تالته وتبداء تدخل في التراك وهتلاقي نفسك بتاخد كورسات خارج الجامعة في نفس وقت دراستك لمواد الجامعة مع الدكاترة
عشان المشاريع اللي هتعملها في 3 ورابعة
وفي قصص كتيييييييييير اختصرتها عليك
(الكلام لطالب علمي رياضه المفروض انه نجح ودخل هندسة اوحاسبات)
ده لسه في ليلة محكيتتلكش عنها زي الذكاء الاصطناعي وكلياتها وكده
فلو حابب تبداء من دلوقت بعد ما تخلص امتحاناتك اتوكل علي الله يابطل عندك اليوتيوب مليان كورسات بس هتحتاس عشان مش عارف تبداء ازاي
لو انت بقي عايز تتعلم حاجة ليها علاقة بال software ده وانت مش داخل حاسبات او مجموعك مش جايبك فكك متقلقش اساسا التعليم بتاعنا مطين بطينه
ياما ناس اتخرجت ومبتعرفش تكتب سطرين بعد كلياتها
وياما ناس كانوا ادبي وشغالين في اكبر الشركات
الفكرة هنا انك تتأسس كويس
طيب لو عايز تتأسس في الweb
اتفضل بهدوء دي ال roadmap
اولا هتدور علي كورس لل CS50 عشان تعرف يعني ايه كمبيوتر وبيفهم الارقام ازاي والبيانات وانواعها وشوية قصص كده هتنفعك قدام في اي مجال هتتخصص فيه سواء ويب او موبايل مثلا
ثانيا لو قولت هشتغل ويب مثلا
يبقي انت هتحتاج تتعلم data structure بس خليها بعد ما تتأسس كويس في
HTML,CSS,JS,backend language
ايه هي ال backend language ببساطة شديدة دي اللغة اللي هتخاطب بيها السيرفر عشان من خلالها تعمل كل العمليات وتخزن في قاعدة البيانات او تجيب معلومة من قاعدة البيانات
عندك لغات كتير اشهرهم js+node js
كمان php
كمان c# +.net
كمان python
كمان go lang
هتحتار دلوقت تتعلم ايهم (اتعلم المطلوب في السوق وعندك المنافسة علي ال٣ دول ) php او .net او node js وقريبا جدا وبقوة في الشرق الاوسط ال python عشان ال ai
اختارلك واحدة منهم واتوكل علي الله
هتلاقي نفسك محتاج بقي تتعلم ال data structures اللي هتخليك تشوف قواعد البيانات وتتعامل معاها ودي هتجبرك تتعلم لغة ال SQL وممكن تربطها مع اكثر محرك قواعد بيانات اشهرهم mysql وغالبا اللي اتعمل عشان يشتغل جمب php بما انها لغة مشهورة ومعظم مواقع الويب اتبنت عليها وده لايقلل من شأن وقوة اللغات اللي ذكرتهالك فوق
كل ده بما يخص ال backend لسه عندك شق تاني في الويب وهو برمجة الوجهات (frontend)وده هيدخلك شوية في مرحلة مختلفة نوعا ما هنا انت مش هتتعلم backend بينما اتجاهك هيروح لحتة تانيه لانك برضه هتتعلم
HTML,CSS,JS (JavaScript ,Ts (typescript),bootstrap or tailwind
خلصت دول هتذاكر بقي api
بعدها هتدخل علي واحد من اطارات العمل دول
Reactjs or Vuejs Or Angular js
هتبحث بقي عن الفروقات ما بينهم وتقارن وتختار برضه بحسب ما السوق عايز
نصيحة (دور علي حد يتابعك ويوجهك ويعرفك الصح من الغلط ويقولك ده تعمله وده متعملهوش) وده بنسميه ياحبيبي ال mentor
حاجة كده زي المستر بتاعك في السنتر وانت بتبعتله وهو يقولك تعمل ايه في حاجة واقفة معاك هنا بقي ده بيكون زي مدرب كده بيراقبك ويفطمك
طبعا في حاجات برضه اختصرتها عليك
عندك الموبايل اشهرهم حاجتين flutter و react native
لو اختارت flutter هتلاقي نفسك بتتعلم برضه لغة اسمها dart اللي اتبني عليها اطار العمل اللي هو ال flutter
طبعا المفروض اني اقولك شوية حاجات جانبيه كده زي انك تقراء عن حاجة اسمها kotlin بس دي هتبقي تسويحة ليك وحاجة تانيه زي ال java ee and se بس ده كله تسويح ليك لانك حرفيا هيطلع عينك وانت بتذاكر فلو حبيت يعني تطلع عليهم من باب الفضول قشطة دماغك مش جايباك برضه براحتك بس الحاجات دي مرتبطه شوية ب flutter ولكن ماعلينا
عندك ال react native هتتعلمها ؟ تمام
تعالي بقي اتعلم HTML,CSS,JS,TS
بعدها برضه هتتعلم api وازاي وامتي وليه والكلام ده برضه
بعد كده ادخل علي react native
طبعا في حاجات انت مش هتفهمها دلوقت وانا نطيت كام حاجة عشان متتلخبطش بس انت وانت ماشي بالترتيب كده اللي هتتعلم من الكورس بتاعه هيوجهك لحاجات تانيه جانبيه يطلب منك تتعلمها هتفهمها ساعتها وهتلاقي نفس ماشي بنمط معين عشان تستوعب الموضوع
واخر نصيحة (البرمجة مش لكل الناس) لو انت داخلها وخلقك ضيق وفاكر ان العملية سهله من اول مرة فانت هتضيع وقت كتير علي نفسك لان البرمجة مجال حرفيا لو دخلته مش هتسيبه الا وانت رايح قبرك كل يوم هتذاكر كل يوم هتشوف الجديد كل يوم في حاجات بتتطور في تخصصك بشكل اسرع من الصاروخ فالله يباركلك من دلوقت لو هتقعد تصيح
فبلاش ووفر علي نفسك وعلينا الصياح
مش هتصيح وعندك طولة بال وحابب المجال وعايز تتعلمه عشان شايف نفسك فيه ودماغك حلوة يبقي توكل علي الله وبعد ما تذاكر وتبدع فيه هتلاقي نفسك بتعمل دخل حلو من وراها
لكن لو قعد تستعجل وتصيح هتلاقي نفسك بتضيع وقت وتتعب اعصابك وتوتر اللي حواليك فاركز كده بالله واعرف انك داخل علي مجال لايقل اهمية عن مهنة الطب والهندسة المعماري والمدني. لان الموضوع حرفيا انت كل يوم لازم تطبق وتكتب كود وكبيرك تبعد عن الكود يوم او اتنين عشان في قصص مش هكشفلك عنها دلوقت هسيبهالك تكتشفها قدام
وبتفكر من دلوقت تتعلم برمجة
عايز اقولك ان ده سنك المناسب انك تقدر تدخل حاجة تأسسك في المجال ده لو انت دماغك (software)
اما لو hardware فيفضل لو انت علمي رياضة استني الجامعة عشان هتدرسها هناك.
اي نعم مش بشكل كويس بس هيديك البدايات وانت تكمل وراه
لانك هتدرس شوية مباديء في ال hardware وحاجات مرتبطة بالفيزياء والكمياء اللي اتعلمتهم في ثانوي بخلاف الرياضة اللي هي اساس كل ده
وهتلاقي نفسك بتاخد حاجة جمبها عشان تقدر تحرق علي التشيبات السوفت بتاعها عشان هتلاقي نفسك بتتعلم حاجة اسمها arduino وتتعلم ازاي ترص ال componentsو وتوصلها ببعض بالوايرات ومكثفات ومقاومات وليدات وقصص خفيفه كده عشان هتحرق عليها ال software اللي هتكتبه غالبا بال c اللي هتتعلمها برضه وهتاخدها قشور في اول سنة
وحاجات ليها علاقة بالكمبيوتر وال processors والboards وكده
بعد كده الموضوع هيتطور معاك شوية وتلاقي نفسك داخل في network و operating system وهتاخد برضه شوية قشور
كل ده تأسيس عشان التخصص اللي هتختاره في سنة تالته وتبداء تدخل في التراك وهتلاقي نفسك بتاخد كورسات خارج الجامعة في نفس وقت دراستك لمواد الجامعة مع الدكاترة
عشان المشاريع اللي هتعملها في 3 ورابعة
وفي قصص كتيييييييييير اختصرتها عليك
(الكلام لطالب علمي رياضه المفروض انه نجح ودخل هندسة اوحاسبات)
ده لسه في ليلة محكيتتلكش عنها زي الذكاء الاصطناعي وكلياتها وكده
فلو حابب تبداء من دلوقت بعد ما تخلص امتحاناتك اتوكل علي الله يابطل عندك اليوتيوب مليان كورسات بس هتحتاس عشان مش عارف تبداء ازاي
لو انت بقي عايز تتعلم حاجة ليها علاقة بال software ده وانت مش داخل حاسبات او مجموعك مش جايبك فكك متقلقش اساسا التعليم بتاعنا مطين بطينه
ياما ناس اتخرجت ومبتعرفش تكتب سطرين بعد كلياتها
وياما ناس كانوا ادبي وشغالين في اكبر الشركات
الفكرة هنا انك تتأسس كويس
طيب لو عايز تتأسس في الweb
اتفضل بهدوء دي ال roadmap
اولا هتدور علي كورس لل CS50 عشان تعرف يعني ايه كمبيوتر وبيفهم الارقام ازاي والبيانات وانواعها وشوية قصص كده هتنفعك قدام في اي مجال هتتخصص فيه سواء ويب او موبايل مثلا
ثانيا لو قولت هشتغل ويب مثلا
يبقي انت هتحتاج تتعلم data structure بس خليها بعد ما تتأسس كويس في
HTML,CSS,JS,backend language
ايه هي ال backend language ببساطة شديدة دي اللغة اللي هتخاطب بيها السيرفر عشان من خلالها تعمل كل العمليات وتخزن في قاعدة البيانات او تجيب معلومة من قاعدة البيانات
عندك لغات كتير اشهرهم js+node js
كمان php
كمان c# +.net
كمان python
كمان go lang
هتحتار دلوقت تتعلم ايهم (اتعلم المطلوب في السوق وعندك المنافسة علي ال٣ دول ) php او .net او node js وقريبا جدا وبقوة في الشرق الاوسط ال python عشان ال ai
اختارلك واحدة منهم واتوكل علي الله
هتلاقي نفسك محتاج بقي تتعلم ال data structures اللي هتخليك تشوف قواعد البيانات وتتعامل معاها ودي هتجبرك تتعلم لغة ال SQL وممكن تربطها مع اكثر محرك قواعد بيانات اشهرهم mysql وغالبا اللي اتعمل عشان يشتغل جمب php بما انها لغة مشهورة ومعظم مواقع الويب اتبنت عليها وده لايقلل من شأن وقوة اللغات اللي ذكرتهالك فوق
كل ده بما يخص ال backend لسه عندك شق تاني في الويب وهو برمجة الوجهات (frontend)وده هيدخلك شوية في مرحلة مختلفة نوعا ما هنا انت مش هتتعلم backend بينما اتجاهك هيروح لحتة تانيه لانك برضه هتتعلم
HTML,CSS,JS (JavaScript ,Ts (typescript),bootstrap or tailwind
خلصت دول هتذاكر بقي api
بعدها هتدخل علي واحد من اطارات العمل دول
Reactjs or Vuejs Or Angular js
هتبحث بقي عن الفروقات ما بينهم وتقارن وتختار برضه بحسب ما السوق عايز
نصيحة (دور علي حد يتابعك ويوجهك ويعرفك الصح من الغلط ويقولك ده تعمله وده متعملهوش) وده بنسميه ياحبيبي ال mentor
حاجة كده زي المستر بتاعك في السنتر وانت بتبعتله وهو يقولك تعمل ايه في حاجة واقفة معاك هنا بقي ده بيكون زي مدرب كده بيراقبك ويفطمك
طبعا في حاجات برضه اختصرتها عليك
عندك الموبايل اشهرهم حاجتين flutter و react native
لو اختارت flutter هتلاقي نفسك بتتعلم برضه لغة اسمها dart اللي اتبني عليها اطار العمل اللي هو ال flutter
طبعا المفروض اني اقولك شوية حاجات جانبيه كده زي انك تقراء عن حاجة اسمها kotlin بس دي هتبقي تسويحة ليك وحاجة تانيه زي ال java ee and se بس ده كله تسويح ليك لانك حرفيا هيطلع عينك وانت بتذاكر فلو حبيت يعني تطلع عليهم من باب الفضول قشطة دماغك مش جايباك برضه براحتك بس الحاجات دي مرتبطه شوية ب flutter ولكن ماعلينا
عندك ال react native هتتعلمها ؟ تمام
تعالي بقي اتعلم HTML,CSS,JS,TS
بعدها برضه هتتعلم api وازاي وامتي وليه والكلام ده برضه
بعد كده ادخل علي react native
طبعا في حاجات انت مش هتفهمها دلوقت وانا نطيت كام حاجة عشان متتلخبطش بس انت وانت ماشي بالترتيب كده اللي هتتعلم من الكورس بتاعه هيوجهك لحاجات تانيه جانبيه يطلب منك تتعلمها هتفهمها ساعتها وهتلاقي نفس ماشي بنمط معين عشان تستوعب الموضوع
واخر نصيحة (البرمجة مش لكل الناس) لو انت داخلها وخلقك ضيق وفاكر ان العملية سهله من اول مرة فانت هتضيع وقت كتير علي نفسك لان البرمجة مجال حرفيا لو دخلته مش هتسيبه الا وانت رايح قبرك كل يوم هتذاكر كل يوم هتشوف الجديد كل يوم في حاجات بتتطور في تخصصك بشكل اسرع من الصاروخ فالله يباركلك من دلوقت لو هتقعد تصيح
فبلاش ووفر علي نفسك وعلينا الصياح
مش هتصيح وعندك طولة بال وحابب المجال وعايز تتعلمه عشان شايف نفسك فيه ودماغك حلوة يبقي توكل علي الله وبعد ما تذاكر وتبدع فيه هتلاقي نفسك بتعمل دخل حلو من وراها
لكن لو قعد تستعجل وتصيح هتلاقي نفسك بتضيع وقت وتتعب اعصابك وتوتر اللي حواليك فاركز كده بالله واعرف انك داخل علي مجال لايقل اهمية عن مهنة الطب والهندسة المعماري والمدني. لان الموضوع حرفيا انت كل يوم لازم تطبق وتكتب كود وكبيرك تبعد عن الكود يوم او اتنين عشان في قصص مش هكشفلك عنها دلوقت هسيبهالك تكتشفها قدام