ليه تستخدم الـ interfaces في الـ oop ؟ ..

[x32x01]

ليه تستخدم الـ interfaces في الـ oop ؟
من ضمن الامثلة اللي هتبينلك فايدة ال interfaces هو المثال التالي:
تخيل ان عندك سيستم بيسمحلك تنشر عليه 3 حاجات :

services خدمات
articles مقالات
products منتجات

تعالى نشوف هنمثل ده ازاي في ال oop؟
هنعمل class اساسي وهو هيبقى ال parent class هيبقى اسمه Post هيبقى فيه تلاتة methods وهما

add()
edit()
show()

وعملت 3 classes تانيين للمنتجات والمقالات والخدمات كالتالي
Product
Article
Service
وخليناهم يورثو من Post class ايه اللي هيحصل هنا؟
ان كل كلاس من دول هيبقى فيهم تلقائي ال 3 methods اللي هما

add()
edit()
show()

لو مش فاهم لحد هنا نصيحتي راجع ال inheritance في ال oop
نكمل المثال بتاعنا ، دلوقتي جينا قررنا اننا عايزين نزود في كلاسين ال Article و Product ميثود جديدة وهي ال

delete()

ساعتها هتعمل ايه؟ هتروح تزودها ف Post class بما انه الclass الاساسي اللي بنورث منه؟ اكيد لا لان كده هتلاقي Service class هو كمان بقى فيه الميثود

delete()

فايه الحل هنا؟
الحل انك تعمل interface اسمه

Deletable

وتخلي فيه ميثود ال

delete()

واي كلاس محتاجين يبقى فيه ميثود ال delete() يعمل implement لل interface ده

طب هييجي ف دماغك سؤال طب منا ممكن ازود ميثود ال delete() من غير ما اعمل interface ؟
هقولك يا صديقي هنا استخدام ال interface هيخليك تضمن ان كل ال classes اللي بتستخدمه هيبقى فيها نفس الميثود بنفس الاسم بنفس ال response data type وكمان ممكن فيما بعد تحتاج تعمل شرط ان لو ال class ده بيستخدم ال interface اللي اسمه Deletable تطبق عليه لوجيك معين