- بواسطة x32x01 ||
إيه هى الـ cookies أو ملفات تعريف الارتباط ؟ وليه المواقع بتسألك موافق عليها ولا ﻷ؟
الحقيقة دى من اهم الحاجات إن مكانتش أهم حاجة ع الإنترنت هى اللى بتخليك تشوف اعلانات حاجات شوفتها على موقع تانى خالص ملهمش علاقة ببعض وحاجات تانية كتير
الcookies ببساطة شديدة هى طريقة للموقع عشان يخزن بيها بيانات على جهازك وتحديدا عالمتصفح اللى بتستعمله زى جوجل كروم أو فايرفوكس. ليه المواقع بتعمل كدة؟ أسباب كتير بس أهمها عشان يعرفو إنت مين لما ترجع تانى.
مثال: فتحت موقع امازون واتفرجت على شوية حاجات وضيفتهم فى الcart وقفلت الموقع.
بعد أسبوع فتحت الموقع تانى.. إزاى بتلاقى الحاجات اللى ضيفتها من أسبوع لسة موجودة جوة الـcart؟
اللى حصل ببساطة إن امازون حط عندك cookie لما ضيفت الحاجات فى الcart ... الcookie دى محتواها يخلى امازون يقدر يعرف إنت ضيفت إيه اليوم دة
لما فتحت الموقع تانى مرة امازون سأل جوجل كروم ياترى الشخص دة عنده الcookie من قبل كدة؟ وإيه محتواها؟ ولقى إن فى الcookie من أسبوع جواها الcart دى .. ومنها جاب محتوى الcart وبينهولك عشان ماتضطرش تضيف الحاجات من الأول تاني
قيس بقى على كدة حاجات كتير
مثلا تاني موقع بيوريك الجو وانت مختار بلد معينة فبدل ما كل مرة يسألك عايز أني بلد بيحط الcookie فيها اخر بلد اخترتها وكل مرة بتفتح الموقع بيشوف ايه اللى متخزن على جهازك وعلى أساسه بيختارلك البلد عشان مش كل مرة تدخلها وتضيع من وقتك وهكذا.
بردوا الcookies هى اللى بتستخدم لما تسجل الدخول على موقع عاوز اقولك ببساطة شديدة الموقع بيسيب الcookie على جهازك فيها اخر حاجه عملتها عشان لما تفتح الموقع تانى يعرف ويدخلك بسهوله ع اخر حاجه وصلتلها
ولما بتسجل خروج بيمسح الcookie دى
طب هل أقدر اعرف الموقع سايب cookies ايه على جهازى؟ ايووووه تقدر تعرف. بص ع الاسكرين شوتس
هتلاقي مثلا الcookies اللى سوق(امازون دلوقتي) بينزلها على جهازك. لاحظ ازاى فى الصورة التانية فى cookie اسمها COCODE_EG عشان مظبوط على مصر ولما غيرته للسعودية ضاف واحدة جديدة بنفس الاسم آخرها SA
لو حد عايز يتسلى بالموضوع ده يخش يضيف شوية حاجات فى الcart من غير ما تكونو logged in بعدها خش ع الcookies زى الاسكرين شوت اللى ف التعليقات وامسح كل الcookies اللى سوق(امازون) نزلها عندك و اعمل ريفريش هتلاقى الcart رجعت فاضية .... ليه؟ ﻷنه مبقاش عارفك
كمان الحقيقة أحد طرق الهاكنج إنى أسرق الcookies اللى على جهازك لو انت مسجل الدخول فى موقع ما واحفظه (من save) فى جهازى أنا
فلما أفتح الموقع يفتكرنى إنت ويدخلنى على حسابك.
بس ما علينا مش دة موضوعنا دلوقتى بس باذن الله قريب هتكلم عنه بتفاصيله
المهم اللى حصل بقى إن بفضل الإعلانات شبكات الإعلانات بقى يهمها أوى تعرف إنت زورت مواقع إيه... طب ليه يهمها ده؟ ﻷن كل ما يعرف معلومات اكتر عنك كل ما يقدر يديك اعلانات انت مهتم بيها أكتر.
بس فى مشكلة صغيرة
الموقع ميقدرش ياخد غير الcookies اللى هو نزلها عندك بنفسه.... ليه؟ دة مهم للسيكيوريتى بتاعتك ...طب دة معناه إيه؟ دة معناه إن مفيش طريقة إن مثلا فيسبوك يعرف إنك زورت امازون. طب هنحل المشكلة دى إزاى؟
متيسرة وساهله ياسيدي... امازون وجوميا وكل المواقع يهمها تقول لفيسبوك إنك دخلت عندهم . وفيسبوك عشان يعرف دة محتاج الcookie بتاعتك فيعمل إيه؟
امازون بيتفق مع فيسبوك إن مع كل زائر جديد فى حتة من السوفت وير بتاع فيسبوك هتبقى شغالة على موقع امازون وهتنزل على جهازك الcookie بتاعة فيسبوك.
وبالتالى المرة الجاية اللى هتفتح فيها فيسبوك هو هيكون عرف إنك نفس الشخص اللى كان على امازون وبالتالى يوريك اعلانات لنفس المنتجات اللى شوفتها هناك
العملية دى كانت دايما بتحصل فى الخلفية ماعدا فى أوروبا
أوروبا المكان الوحيد اللى القانون بيجبر المواقع تاخد موافقة المستخدم إنهم ينزلو عنده الcookie عشان كدة بيظهرلك الرسالة إياها بتاعة موافق والا مش موافق
وسنة 2015 خلوا الموضوع أصعب بقانون اسمه قانون الGDPR اللى بقى فعال من 25 مايو 2018 بتاع اي القانون ده ياعم مصطفى؟ القانون دة خلى ان الموقع ماينفعش ياخد موافقة بس على انه ينزلك الcookies ولا ﻷ دة لازم ياخد موافقة المستخدم عن كل شبكة اعلانات الموقع بيستخدمها ويسمحله إنه يقول مثلا ابعت بياناتى لفيسبوك بس مش لجوجل بص كده على الصور ديه
دا أشهر موقع عقارات فى ألمانيا
دة جزء من ليستة الشركات اللى الموقع بينزل الكوكيز بتاعتها عندى أو بيقولهم إنى زورت الموقع.
زى ما انتو شايفين أقدر اتحكم ينفع يعمل كدة ولا ﻷ أو أوافق عليهم كلهم أو أرفضهم كلهم وده مثال بسيط
للعلم بس مش بس امازون اللى بيعمل كدة لا ده كله بيعمل كدة. مثلا لما بتخش على مدونة هتلاقي المبرمج او صاحب المدونه حاطط كود جوجل عشان يقوله مين زار المدونة ومين أول مرة ومين من قبل كدة احنا بس استعملت امازون وفيسبوك كأمثلة لشرح الموضوع وبس كدة دة تبسيط شبه حرفي للـ cookies
الحقيقة دى من اهم الحاجات إن مكانتش أهم حاجة ع الإنترنت هى اللى بتخليك تشوف اعلانات حاجات شوفتها على موقع تانى خالص ملهمش علاقة ببعض وحاجات تانية كتير
الcookies ببساطة شديدة هى طريقة للموقع عشان يخزن بيها بيانات على جهازك وتحديدا عالمتصفح اللى بتستعمله زى جوجل كروم أو فايرفوكس. ليه المواقع بتعمل كدة؟ أسباب كتير بس أهمها عشان يعرفو إنت مين لما ترجع تانى.
بعد أسبوع فتحت الموقع تانى.. إزاى بتلاقى الحاجات اللى ضيفتها من أسبوع لسة موجودة جوة الـcart؟
اللى حصل ببساطة إن امازون حط عندك cookie لما ضيفت الحاجات فى الcart ... الcookie دى محتواها يخلى امازون يقدر يعرف إنت ضيفت إيه اليوم دة
لما فتحت الموقع تانى مرة امازون سأل جوجل كروم ياترى الشخص دة عنده الcookie من قبل كدة؟ وإيه محتواها؟ ولقى إن فى الcookie من أسبوع جواها الcart دى .. ومنها جاب محتوى الcart وبينهولك عشان ماتضطرش تضيف الحاجات من الأول تاني
قيس بقى على كدة حاجات كتير
مثلا تاني موقع بيوريك الجو وانت مختار بلد معينة فبدل ما كل مرة يسألك عايز أني بلد بيحط الcookie فيها اخر بلد اخترتها وكل مرة بتفتح الموقع بيشوف ايه اللى متخزن على جهازك وعلى أساسه بيختارلك البلد عشان مش كل مرة تدخلها وتضيع من وقتك وهكذا.
بردوا الcookies هى اللى بتستخدم لما تسجل الدخول على موقع عاوز اقولك ببساطة شديدة الموقع بيسيب الcookie على جهازك فيها اخر حاجه عملتها عشان لما تفتح الموقع تانى يعرف ويدخلك بسهوله ع اخر حاجه وصلتلها
ولما بتسجل خروج بيمسح الcookie دى
طب هل أقدر اعرف الموقع سايب cookies ايه على جهازى؟ ايووووه تقدر تعرف. بص ع الاسكرين شوتس
لو حد عايز يتسلى بالموضوع ده يخش يضيف شوية حاجات فى الcart من غير ما تكونو logged in بعدها خش ع الcookies زى الاسكرين شوت اللى ف التعليقات وامسح كل الcookies اللى سوق(امازون) نزلها عندك و اعمل ريفريش هتلاقى الcart رجعت فاضية .... ليه؟ ﻷنه مبقاش عارفك
كمان الحقيقة أحد طرق الهاكنج إنى أسرق الcookies اللى على جهازك لو انت مسجل الدخول فى موقع ما واحفظه (من save) فى جهازى أنا
فلما أفتح الموقع يفتكرنى إنت ويدخلنى على حسابك.
بس ما علينا مش دة موضوعنا دلوقتى بس باذن الله قريب هتكلم عنه بتفاصيله
المهم اللى حصل بقى إن بفضل الإعلانات شبكات الإعلانات بقى يهمها أوى تعرف إنت زورت مواقع إيه... طب ليه يهمها ده؟ ﻷن كل ما يعرف معلومات اكتر عنك كل ما يقدر يديك اعلانات انت مهتم بيها أكتر.
بس فى مشكلة صغيرة
الموقع ميقدرش ياخد غير الcookies اللى هو نزلها عندك بنفسه.... ليه؟ دة مهم للسيكيوريتى بتاعتك ...طب دة معناه إيه؟ دة معناه إن مفيش طريقة إن مثلا فيسبوك يعرف إنك زورت امازون. طب هنحل المشكلة دى إزاى؟
متيسرة وساهله ياسيدي... امازون وجوميا وكل المواقع يهمها تقول لفيسبوك إنك دخلت عندهم . وفيسبوك عشان يعرف دة محتاج الcookie بتاعتك فيعمل إيه؟
امازون بيتفق مع فيسبوك إن مع كل زائر جديد فى حتة من السوفت وير بتاع فيسبوك هتبقى شغالة على موقع امازون وهتنزل على جهازك الcookie بتاعة فيسبوك.
وبالتالى المرة الجاية اللى هتفتح فيها فيسبوك هو هيكون عرف إنك نفس الشخص اللى كان على امازون وبالتالى يوريك اعلانات لنفس المنتجات اللى شوفتها هناك
العملية دى كانت دايما بتحصل فى الخلفية ماعدا فى أوروبا
أوروبا المكان الوحيد اللى القانون بيجبر المواقع تاخد موافقة المستخدم إنهم ينزلو عنده الcookie عشان كدة بيظهرلك الرسالة إياها بتاعة موافق والا مش موافق
وسنة 2015 خلوا الموضوع أصعب بقانون اسمه قانون الGDPR اللى بقى فعال من 25 مايو 2018 بتاع اي القانون ده ياعم مصطفى؟ القانون دة خلى ان الموقع ماينفعش ياخد موافقة بس على انه ينزلك الcookies ولا ﻷ دة لازم ياخد موافقة المستخدم عن كل شبكة اعلانات الموقع بيستخدمها ويسمحله إنه يقول مثلا ابعت بياناتى لفيسبوك بس مش لجوجل بص كده على الصور ديه
دة جزء من ليستة الشركات اللى الموقع بينزل الكوكيز بتاعتها عندى أو بيقولهم إنى زورت الموقع.
زى ما انتو شايفين أقدر اتحكم ينفع يعمل كدة ولا ﻷ أو أوافق عليهم كلهم أو أرفضهم كلهم وده مثال بسيط
للعلم بس مش بس امازون اللى بيعمل كدة لا ده كله بيعمل كدة. مثلا لما بتخش على مدونة هتلاقي المبرمج او صاحب المدونه حاطط كود جوجل عشان يقوله مين زار المدونة ومين أول مرة ومين من قبل كدة احنا بس استعملت امازون وفيسبوك كأمثلة لشرح الموضوع وبس كدة دة تبسيط شبه حرفي للـ cookies