الفرق بين الـ SOAP والـ REST

[x32x01]

الفرق بين الـ SOAP والـ REST. الموضوع ده بتتسأل عنها كتير في الانترفيوهات، فمهم تبقى فاهمها صح!
في البداية، زمان كنا بنستخدم الـ SOAP عشان نوصل بين الـ Front-End والـ Back-End.

خلينا نبدأ بالـ SOAP (Simple Object Access Protocol):​

- ده كان بيستخدم لنقل البيانات بين الـ Front-End والـ Back-End، وبيتعامل مع XML.
المميزات:

• بيدعم الأمان بقوة من خلال بروتوكولات زي WS-Security، وده بيكون ضروري في الأنظمة اللي بتحتاج حماية عالية.
• متوافق مع ال Legacy Systems زي Java و.NET، وده بيساعد لما تشتغل مع كود قديم.

العيوب:

• بطيء شوية بسبب حجم الـ XML الكبير.
• معقد، وبيحتاج تجهيزات أكتر.

مثال: تخيل نفسك في بنك وبتبعت فلوس لبنك تاني، الـ SOAP زي الرسالة الرسمية اللي محتاجة تفاصيل دقيقة وبتاخد وقت.

نيجي للـ REST (Representational State Transfer):​

- بيعتمد على JSON، اللي بيخلي العملية أسرع وأبسط.
المميزات:

• أسرع وأبسط لأن الـ JSON خفيف.
• سهل في التطبيقات الويب، لأنه بيتعامل مع HTTP بسهولة.

العيوب:

• الأمان ممكن يكون أقل من الـ SOAP، بس ده يتعالج باستخدام حاجه زي HTTPS.
• مرن شوية في طريقته في ال communication مش زي اللي في الـ SOAP.

مثال: لو عايز تعرف حالة الطقس على موبايلك، الـ REST هيفتحلك التطبيق بسرعة وبساطة من غير تعقيدات.

الفرق الرئيسي إن الـ REST بيعتمد على "Architecture Style" بيشتغل بـ JSON، بيخليك تاخد السرعة والمرونة.
أما الـ SOAP هو "Protocol" بيحتاج تتبع قواعد محددة، ومناسب لما تحتاج أمان أعلى.