أيه هو الـ Cron job أو Schedule jobs

[x32x01]

عمرك فكرت إزاي بتوصلك إيميلات في نص الليل، أو رسائل تذكير بمواعيد دفع الفواتير، أو حتى إزاي النسخ الاحتياطي التلقائي للبيانات وحذف البيانات بيتم بشكل أوتوماتيك؟ هنا بيجي دور الـ. cron jobs

إزاي نستخدم cron job في Node.js ؟
علشان تحقق ده في Node.js ، تقدر تستخدم package اسمها node-schedule الpackage دي بتخليك تقدر تعمل جدول لمهام معينة (مشابهة للـ cron jobs) بشكل مباشر جوا تطبيقات Node.js بكل سهولة تقدر تحدد مهام تشتغل في أوقات معينة أو بفواصل زمنية باستخدام JavaScript ، المكتبة دي بتسهل عليك كتير لو عندك مهام متكررة محتاج تعملها في أوقات معينة.

خلينا نتكلم عن `node-schedule` شوية:

في البداية كده، المكتبة دي بتعتمد على حاجتين أساسيتين: الوقت اللي هتتنفذ فيه الـcron job والمهمة اللي هتتنفذ في الوقت ده ، علشان نفهم الوقت ده، بنحدده باستخدام 6 asterisks .

خلينا نفهم كل asterisk بتعمل اية بالتفصيل :

1. الـ asterisk الأول (second):بيحدد الثانية اللي هتتنفذ فيها المهمة (من 0 لـ 59 ثانية) وده اختياري، يعني ممكن تستغنى عنه لو مش محتاج تحدد ثانية معينة.
2. الـ asterisk التاني (minute): بيحدد الدقيقة اللي هتتنفذ فيها المهمة (من 0 لـ 59 دقيقة).
3. الـ asterisk التالت (hour): بيحدد الساعة اللي هتتنفذ فيها المهمة (من 0 لـ 23 ساعة).
4. الـ asterisk الرابع (day of month):بيحدد اليوم في الشهر اللي هتتنفذ فيه المهمة (من 1 لـ 31 يوم).
5. الـ asterisk الخامس (month): بيحدد الشهر اللي هتتنفذ فيه المهمة (من 1 لـ 12 شهر).
6. الـ asterisk السادس (day of week): بيحدد يوم الأسبوع اللي هتتنفذ فيه المهمة (من 0 لـ 7).

الترتيب ده بيسمح لك بتحديد الوقت اللي المهمة هتتنفذ فيه بالضبط ، سواء كنت عايزها تشتغل كل دقيقة، كل يوم، أو في يوم محدد من الأسبوع.