مقارنة SearchGPT وPerplexity: من الأفضل ؟!

في عالم الذكاء الاصطناعي، كل يوم بنشوف أدوات جديدة بتحاول تطور تجربة البحث وجمع المعلومات.
مقارنة سريعة بين SearchGPT و Perplexity، وهتعرف مين الأفضل وليه

أولًا: SearchGPT​

الأداة دي بتقدم تجربة بحث منظمة جدًا، وبتجمع معلومات من مصادر متعددة عامة،
وده بيخلي النتائج متنوعة وغنية... لكن
عيبها إن الدقة أحيانًا بتكون أقل، وكمان الاقتراحات محدودة شوية.

ميزة قوية بقى؟
لما تكتب المطالبة بالعربية، SearchGPT بيركّز على المصادر العربية فقط، وده بيساعد لو محتوى بحثك عربي بالأساس

---

ثانيًا: Perplexity​

Perplexity يمكن يكون أقل تنظيمًا من SearchGPT،
لكن بيمتاز بحاجة جبارة
المصادر عنده دقيقة ومتنوعة جدًا، وبعضها كمان خاص ومش متاح للعامة،
وده بيخليه أداة ممتازة للباحثين والمحترفين اللي بيدوروا على معلومة موثوقة.

كمان Perplexity بيقدم اقتراحات أكتر وأذكى، يعني بيساعدك توسّع في البحث وتكتشف أفكار جديدة بسهولة.
والجميل إنه مش محتاج توجهه في صياغة الطلب - بيفهمك على طول، حتى لو طلبك بسيط جدًا.

---

الأرقام بتتكلم: مين بينمو أسرع؟​

بحسب تقرير BrightEdge،
SearchGPT عنده معدل نمو شهري 150٪،
وبيساهم بشكل أكبر من Perplexity في زيادة زيارات المواقع،
وده معناه إن شعبيته في تزايد مستمر وبيجذب جمهور كبير جدًا

الخلاصة​

لو بتدور على بحث منظم ومناسب للمصادر العربية ➜ استخدم SearchGPT
لكن لو هدفك دقة عالية ومصادر متنوعة ➜ Perplexity هو اختيارك الأفضل.

وفي النهاية، الاتنين بيكملوا بعض...
واختيارك بيعتمد على هدفك من البحث، هل هو السرعة ولا الدقة