- بواسطة x32x01 ||
إزاي تبدأ رحلتك في الـMERN Stack ؟ (MERN Stack Developer Roadmap) 
خلينا متفقين يا صديقي من الأول إن الـMERN Stack مجال كبير ومليان حاجات كتير هتتعلمها بس كله هيكون ممتع لو بتحب البرمجة وعندك فضول للتعلم.يلا بينا ندخل في الموضوع
1. HTML و CSS
أساس أي موقع لازم يكون HTML و CSS طيب لي تبدأ من بيهم؟ عشان اي موقع هتعملوا هتحتاج تكون فاهم الأساسيات صح فلازم تعرف الـ Flexbox و CSS Grid وازاي تخلي المواقع Responsive على كل الأجهزة وكدا.2. JavaScript
اللغة اللي مبني عليها كل حاجة في الـMERN حرفياً. هتحتاج تتعلم الـBasics وتزود عليها ES6+ عشان تاخد سرعة في الشغل وتعرف تتعامل مع الـAsync/Await والـPromises.3. React.js
الـ React هوا فريم ورك للـFrontend. حاول تركز على الـComponents والـState Management والـHooks زي useState وuseEffect وغيره.4. Node.js
الـ Node.js هي اللي هتشغل الـJavaScript على الـServer. لازم تتعلم إزاي تبني API وتتواصل بين الـFrontend والـBackend. الأساسيات اللي في النود هتخليك تقدر تبني سيرفر سريع أن شاء الله.5. Express.js:
الـ Express.js مكتبة هتسهل عليك كتابة الكود للـBackend. هتقدر تبني RESTful API وتتعامل مع الطلبات من اليوزر.6. MongoDB:
الـ MongoDB هي قاعدة NoSQL هتخزن فيها البيانات وتعمل Queries بسهولة. لازم تكون عارف الـCRUD (Create, Read, Update, Delete) عشان تتعامل مع الداتا كـمدير بيانات.7. Mongoose:
لازم تكون عارف أن الـ MongoDB مش دايما أسهل حاجة عشان كدا Mongoose هي مكتبة هتساعدك ترتب الداتا وتتعامل معها بشكل منظم واسهل أكتر.8. JWT Authentication:
اهم جزء في الشغل هوا إنك تأمن موقعك كويس وهنا ييجي دور JWT (JSON Web Tokens) عشان تدي للمستخدمين طريقة دخول أمنة وتأكد إن البيانات بتاعتك متأمنة.9. Git و GitHub:
أي حد في المجال ده لازم يكون عارف Git. ومش بس للـCommits كدا لا كمان عشان تدير الـBranches وانتا شغال مع التيم.10. Testing:
اتعلم شوية عن الـTesting Libraries زي Jest وMocha لأنها مهمة لما تيجي تطلق الموقع.11. Deployment:
بعد ما تخلص المشروع لازم ترفعوا... Heroku و Vercel هما افضل ادوات للـDeployment عن تجربه فحاول تركز في تفاصيل الـEnvironment Variables والأمان.12. Soft Skills و Agile:
دي من اقتراحي الشخصي ودايما لما حد يسألني بقول أن أهم من الكود هو شغل التيم لازم تتعلم إزاي تشتغل بـ Agile وازاي تتواصل مع فريقك وتتعلم Jira وTrello.في النهاية يا صديقي الرحلة طويلة ومحتاجه صبر لكن خليك متأكد إنك كل ما هتكمل هتكتسب مهارات وخبرتك هتزيد