الـ useState هو الباب اللى هتدخل منه عالم الـ React

المرة دي هنبدأ بحجر الأساس لكل حاجة في الـHooks: الـuseState. لو أنت لسه جديد على الـHooks، يبقى الـuseState هو الباب اللي هتدخل منه عالم الـReact بشكل سلس!

إيه هو الـuseState؟​

الـuseState هو Hook بسيط لكنه قوي جدًا. بيخليك تدير الـState جوه الـFunction Components بطريقة مريحة وسهلة. في سطرين كود تقدر تحط قيمة وتغيرها وقت ما تحب، وكل ده من غير أي دوشة أو وجع دماغ.

إزاي نستخدم الـuseState؟​

بكل بساطة، هتستدعي الـuseState وتديله قيمة ابتدائية، ويرجعلك مصفوفة فيها عنصرين: الأول هو القيمة الحالية، والتاني هو دالة لتغيير القيمة دي.

const [count, setCount] = useState(0);

يعني لو مثلًا بتعد كام مرة المستخدم ضغط على زر، هتستخدم الـuseState عشان تخزن الرقم وتغيره كل ما يضغط.

ليه الـuseState مهم؟​

بكل اختصار، الـuseState بيسهل شغلك! بدل ما تتعقد مع Class Components والـthis.state، بتستخدمه عشان تكتب كود نضيف ومقروء. ومش بس كده، ده بيساعدك تركز على اللي عايز تعمله بدل ما تضيع وقتك في فهم حاجة معقدة.

نصائح عملية:
- لو عندك أكثر من state، استخدم أكتر من useState بدل ما تجمع كل حاجة في واحد.
- حاول دايمًا تخلي القيم اللي بتخزنها في الـstate بسيطة، عشان تقدر تديرها بسهولة.