شرح كل حاجة عن الـ Active Directory بالتفصيل

[x32x01]

في الاول هو اي هو الـ Active Directory ؟​

الـ Active Directory واختصاره الـ (AD) هو عبارة نظام من مايكروسوفت بيساعدك تنظم وتدير الحسابات والأجهزة والموارد في الشركة أو المؤسسة بتاعتك او بمعني تاني هو النظام اللي بيدير الشبكة ويخلي كل حاجة ماشية تمام.

طيب بيتكون من أجزاء ايه ؟

1- الدومين (Domain)​

الدومين هو الكيان الأساسي في الاكتڨ ديركترى وبيحتوي على كل الحسابات والأجهزة والمجموعات اللي متصلة بالشبكة
طيب شكله عامل ازاي الدومين ده ؟
ده شكل الدومين ياغالي "company.local"

2ـ الدومين كنترولر (Domain Controller - DC)​

الجزء ده هو السيرفر اللي بيدير الدومين وبيخزن بيانات الـ Active Directory وبيتحكم في الوصول للحسابات والأجهزة

3ـ الوحدات التنظيمية (Organizational Units - OUs)​

الجزء ده عبارة عن ملفات أو مجلدات جوه الـ AD بنحط فيها الحسابات والمجموعات والأجهزة بهدف التنظيم
يعني مثلا وحدة تنظيمية باسم HR_Department ودى جزء ظاهر من اسمه انه تبع قسم الموارد البشرية اللي هو الـ HR

4- المستخدمين (Users)​

الجزء ده عبارة عن الناس اللي عندهم حسابات على الـ AD وبيستخدموا الشبكة زى مثلا ده حساب موظف ahmed.company.local

5- المجموعات (Groups)​

الجزء ده خاص بتنظيم المستخدمين وإعطائهم صلاحيات محددة مثلا جروب الـ IT_Department

طيب اي هي فايدة الاكتڨ ديركترى اللي عمالين نتكلم عنه ده ؟​

الاكتڨ ديركترى ليه فوايد كتير جدا هنختصرهم مع بعض دلوقتي
1- اول قايدة انه بيوفر طبقات حماية عشان يضمن إن الناس الصح بس هم اللي يستخدموا الشبكة.
2- بيسهل عليك تنظيم الحسابات والأجهزة والجروبس بطريقة منسقة ومش ملعبكه
3- بيسمح للمستخدمين إنهم يوصلوا للموارد اللي محتاجينها بسهولة ويسر من غير اي تعقيد او تعب

طيب كل ده جميل جدا نشغله ازاي بقي ؟​

1- اول حاجه هو تثبيت الـ Active Directory
هتنزل وتثبت الويندوز سيرفر اللي فيه خدمة الـ AD عادى

2- هتنشئ دومين جديد
بعد التثبيت افتح مدير سيرفر الويندوز واختر إضافة أدوار وميزات
هتلاقي اختار اسمه (Active Directory Domain Services) وكمل الإعدادات...

3- بعدها هتعمل إعداد الوحدات التنظيمية والمستخدمين
استخدم (Active Directory Users and Computers) او (ADUC) عشان تنشئ المستخدمين والوحدات التنظيمية والجروبس وكل الحاجات دي

4- بعدها هتدخل جزء إدارة السياسات
افتح (Group Policy Management Console) او (GPMC) علشان ننشئ وندير السياسات اللي بتطبق على الدومين أو الوحدات التنظيمية
في النهاية الـ Active Directory بيسهل إدارة الشبكة والأمان والتنظيم لكل موارد الشركة أو المؤسسة وهي دي الخلاصه